गणपती माझा नाचत आला !

नायगाव : ताश्यांच्या, बँडच्या तालावर तर कुठे लेझीमच्या ठेक्यावर गणेशमंडळांसोबतच घरगुती गणपती आज घराघरात दाखल झाले. लाडक्या गणेशाच्या स्वागतासाठी नागरिकांनी गेल्या आठवडाभरापासूनच तयारी केली होती. त्यानिमित्ताने रंगीत रोषणाई आणि फटाक्यांची आतषबाजी यांच्या धडाक्यात आज गणेशाचे जंगी स्वागत झाले.नायगाव वसई परिसरात गुरूवारी विविध ठिकाणांहून गणेशमूर्तींचे आगमन झाले. घरगुती व सार्वजनिक अशा विविध गणेश मूर्ती, गणेश कलामंदिरातून नेण्याची लगबग सकाळपासून सुरू होती. यावर्षी वसईच्या विविध कारखान्यांत मुंबईत जाणाऱ्या अनेक मूर्ती गुरूवारी सकाळी सज्ज ठेवण्यात आल्या होत्या. पापडी, सागरशेत, वसई या परिसरात विविध गणेश मंडळांचे कार्यकर्ते वसईत दाखल झाले होते. झेंडाबाजार भागात सकाळी गणेशमूर्ती नेण्यासाठी अनेक वाहने प्रतीक्षेत असल्याने काही काळ वाहतूक कोंडी झाली होती. गणपती आगमनासाठी मंडया फुलल्या होत्या. मिठाई व अन्य खाद्यपदार्थाची रेलचेल यासह फुलबाजारही सज्ज झाले होते.वसई : गेले ३ महिने मूर्ती बनवण्याचे काम अव्याहतपणे सुरू होते. दोन दिवसापूर्वी सर्व कामे पूर्ण झाल्यानंतर भक्तांनी मूर्ती नेण्यास सुरूवात केली. आज सकाळपासूनच या कामांना वेग आला होता. ढोल ताशांच्या गजरात गणरायाला नेण्यासाठी सार्वजनिक मंडळाचे पदाधिकारीही सज्ज झाले होते.दरवर्षी वसई-विरार उपप्रदेशात गणेशोत्सव मोठ्या उत्साहात साजरा होतो. सुमारे १५ हजार घरगुती तर ३५० सार्वजनिक गणपती आणण्यात येतात. सार्वजनिक मंडळातर्फे गणेशोत्सव काळात विविध कार्यक्रमाचे आयोजन करण्यात येत असते. तर दुसरीकडे राजकीय पक्षांतर्फे गणेश स्पर्धांचे आयोजन केले जाते. कच्छीबाजा व ढोलताशासाठी आकारण्यात येणाऱ्या शुल्कामध्येही भरमसाट वाढ झाली आहे. अनेक तलावांमध्ये विसर्जनासाठी विविध उपाययोजना करण्यात येत आहेत. त्यामध्ये स्वयंसेवक पथक नेमणे, विसर्जनासाठी तराफा तसेच स्वयंसेवकांना लाईफ जॅकेट व विसर्जनाच्या स्थळी पाण्याची सोय इ. व्यवस्था करण्यात येत आहे. दुसरीकडे पोलीस यंत्रणाही सक्रिय झाली आहे. (प्रतिनिधी)

कामगारांना फक्त आश्वासन नको

सहा डम्परवर कारवाई

डीम्ड कन्व्हेअन्ससाठी एकखिडकी योजना

घर विक्रीच्या बहाण्याने फसवणूक

गणरायाच्या स्वागताची तयारी

ठाण्यात राजस्थानचा राजवाडा

नशेची औषधे विकणा-यास अटक

‘त्या’ वादग्रस्त देखाव्याला हिरवा कंदील

पाणीपुरवठा योजनेसाठी १५.५६ कोटींना मंजुरी

बोईसरला आठ ठिकाणी ‘एक गाव-एक गणपती’

सीमा भागातील गणेशोत्सव

गणपती माझा नाचत आला !