Mumbai Rains: मुंबईला ऑरेंज अलर्ट जारी, उपनगरात जोरदार हजेरी; अंधेरी सबवे बंद!

Mumbai Heavy Rains Update: मुंबई उपनगर परिसरात गेल्या दोन तासांपासून मुसळधार पाऊस सुरू असून सखल भागांत पाणी साचण्यास सुरुवात झाली आहे.

Mumbai Heavy Rains:मुंबई उपनगर परिसरात गेल्या दोन तासांपासून मुसळधार पाऊस सुरू असून सखल भागांत पाणी साचण्यास सुरुवात झाली आहे. अंधेरी सबवेमध्ये तीन ते चार फूट पाणी साचल्याने सबवे वाहतुकीसाठी बंद करण्यात आला आहे. मुंबई हवामान खात्याकडून मुंबईला ऑरेंज अलर्ट जारी करण्यात आला आहे. पुढीत तीन ते चार तास मुसळधार पावसाचा अंदाज वर्तवण्यात आला आहे. 

मुंबईची लाइफलाइन असलेल्या लोकल सेवेवरही याचा परिणाम झालेला पाहायला मिळत आहे. मध्य रेल्वेवरील वाहतूक सेवा पंधरा ते वीस मिनिटं उशीराने सुरू आहे. तर पश्चिम आणि हार्बर रेल्वेवरील गाड्या सध्या वेळेत धावत आहेत. 

हवामान अद्यतन - प्रादेशिक हवामान केंद्र, मुंबई. pic.twitter.com/KkGbOFP213

— Regional Meteorological Center,Mumbai (@RMC_Mumbai) July 15, 2025

In view of the heavy rain across Mumbai city and suburbs, citizens are requested to avoid visiting coastal and low-lying areas.

Our officials and staff are alert and ready to assist Mumbaikars. Dial 100 / 112 / 103 in case of any emergency.#MumbaiRainAlert#MumbaiPolice4All— मुंबई पोलीस - Mumbai Police (@MumbaiPolice) July 15, 2025

उपनगरांना झोडपलं
वांद्रे, अंधेरी, विलेपार्ले, जोगेश्वरी, गोरेगाव, बोरीवली या उपनगरांत सध्या तुफान पाऊस सुरू असून अनेक ठिकाणी पाणी साचण्यास सुरुवात झाल्याची माहिती समोर आली आहे. गेल्या तासाभरापासून या भागांना पावसानं चांगलंच झोडपलं आहे. यामुळे पश्चिम द्रूतगती महामार्गावरील वाहतूकही मंदावली आहे. 

कोकणातील जिल्ह्यांमध्ये काही ठिकाणी आणि मध्य महाराष्ट्रातील घाट भागात काही ठिकाणी मुसळधार ते अति मुसळधार पाऊस पडण्याची शक्यता आहे.

— Regional Meteorological Center,Mumbai (@RMC_Mumbai) July 15, 2025

सतर्कतेचं आवाहन
मुंबईसाठी पुढील तीन ते चार तास महत्त्वाचे असल्यानं नागरिकांना सतर्क राहण्याचं आवाहन प्रशासनाकडून करण्यात आलं आहे. पावसाचा जोर कायम राहिल्यास लोकलसह रस्ते वाहतुकीवरही परिणाम होण्याची दाट शक्यता आहे.