तेव्हा अचानकच असे काही घडले की, सर्वांची एकच तारांबळ उडाली. राजीव खंडेलवाल अचानक बेशुद्ध पडले. त्यांची स्थिती बघून भारती सिंग तर खूपच घाबरून गेली होती. तिने आरडाओरड करीत मदतीसाठी इतरांना बोलाविण्यास सुरुवात केली. भारतीची आरडाओरड ऐकून काही क्षणांतच सेटवर लोकांची गर्दी झाली. मात्र अचानकच राजीव खंडेलवाल उठून उभे राहिल्यामुळे भारतीला आणखीनच धक्का बसला. राजीवने भारतीला म्हटले की, मी तुझ्याशी चेष्टा करीत होतो. मात्र तोपर्यंत भारती प्रचंड घाबरून गेली होती. तिला राजीवच्या या विचित्र मस्करीवर काय बोलावे याबाबतचे शब्दच नव्हते.
वास्तविक अशाप्रकारची चेष्टा-मस्करी स्टार्समध्ये नेहमीच बघावयास मिळत असते. बºयाचदा तर भारतीनेही अनेकांची अशी फिरकी घेऊन त्यांना झटका दिला आहे. मात्र यावेळेस ती स्वत: राजीवच्या जाळ्यात अडकली. राजीवने अशाप्रकारे प्रॅँक करून भारतीची बोलतीच बंद केली. एकूणच नेहमीच कॉमेडीचे बॉम्ब फोडणारी भारती यावेळेस मात्र स्वत:च शिकार बनताना दिसून आली.