सलमान खान आणि रितेश देशमुख यांची मैत्री सर्वश्रुत आहे. सलमानने याआधी रितेशच्या दोन मराठी सिनेमांमध्ये कॅमिओही केला आहे. भाऊ.. अशी दोघे एकमेकांना हाक मारतात. सलमान खान सध्या 'बिग बॉस १९'चं सूत्रसंचालन करताना दिसत आहे. येत्या आठवड्यात सीझनचा फिनाले आहे. त्याआधी आज रितेश देशमुख बिग बॉसच्या स्टेजवर सलमानसोबत दिसणार आहे. बिग बॉस मराठीच्या सहाव्या पर्वाची इथून घोषणा होण्याची शक्यता आहे. आपला भाऊ रितेश यंदाही बिग बॉसचं सूत्रसंचालन करणार आहे. दरम्यान सलमान आणि रितेशचा पहिला प्रोमो समोर आला आहे.
बिग बॉस १९ मध्ये तान्या मित्तल खूप चर्चेत असते. तिच्या मोठमोठ्या गप्पा ऐकून सगळेच तिची चेष्टा करतात. रितेश देशमुखही बिग बॉसमध्ये येताच त्याने तान्या मित्तलला भेटण्याची उत्सुकता दाखवली. प्रोमोमध्ये तो सलमानची परवानगी घेताना दिसतो. नंतर रितेश तान्याला अभिनय करण्याचा टास्कही देतो. एकंदरच रितेश सर्व स्पर्धकांसोबत मजा धमाल करताना दिसतोय. त्यामुळे आजचा एपिसोड पाहण्याची हिंदीसह मराठी प्रेक्षकांनाही उत्सुकता आहे. तसंच रितेश आणि मराठी स्टॅण्डअप कॉमेडियन प्रणित मोरे यांच्यात काय मजेशीर संवाद होतो हेही पाहण्यासाठी चाहते आतुर आहेत.
कलर्स मराठीवरील बिग बॉस मराठी सहाचं सूत्रसंचालन रितेश देशमुखच करणार हे आता जवळपास निश्चितच झालं आहे. आज हिंदी बिग बॉसमध्ये याची औपचारिक घोषणा होईल. तसंच रितेश आणि सलमानला पुन्हा स्क्रीनवर पाहता येणार आहे. सलमानने याआधी रितेशच्या 'लय भारी' आणि 'वेड' या सिनेमात कॅमिओ केला होता. तर आता रितेशचा आगामी महत्वाकांक्षी प्रोजेक्ट 'राजा शिवाजी' मध्ये सलमान जिवा महालाच्या भूमिकेत दिसणार आहे.
Web Summary : Salman Khan and Riteish Deshmukh's bond is well-known. Riteish will join Salman on Bigg Boss, hinting at the announcement of Bigg Boss Marathi 6, possibly hosted by Riteish. He will interact with contestants and give tasks. Salman may appear in Riteish's 'Raja Shivaji' film.
Web Summary : सलमान खान और रितेश देशमुख की दोस्ती जग जाहिर है। रितेश 'बिग बॉस' में सलमान के साथ शामिल होंगे, जिससे 'बिग बॉस मराठी 6' की घोषणा होने की संभावना है, जिसकी मेजबानी रितेश कर सकते हैं। वह प्रतियोगियों के साथ बातचीत करेंगे और उन्हें कार्य देंगे। सलमान, रितेश की 'राजा शिवाजी' फिल्म में दिख सकते हैं।