"आमच्या महाराष्ट्राला..." रिक्षाचालकांना मराठी अनिवार्य प्रकरणावर धनंजय पोवारची प्रतिक्रिया

येत्या १ मे पासून राज्यातील रिक्षा आणि टॅक्सी चालकांना मराठी अनिवार्य करण्यात आले आहे. राज्याच्या परिवहन विभागाकडून मराठी न येणाऱ्या रिक्षा चालकांवर कारवाईचा बडगा उचलण्यात येणार आहे. याविरोधात रिक्षाचालकांनी आंदोलन पुकारले आहे. या मुद्द्यावरून सध्या विविध स्तरांवर चर्चा सुरू असून, अनेक मराठी कलाकारही आपली भूमिका मांडताना दिसत आहेत. अशातच 'बिग बॉस मराठी ५'मधील धनंजय पोवारने सोशल मीडियावर पोस्ट शेअर करुन आपलं मत व्यक्त केलं आहे.धनंजय म्हणाला, "आज १५ लाख लोक रस्त्यावर येत आहे, ते त्यांच्या रोजीरोटीसाठी... त्यांच्या हक्कांसाठी... त्यांच्या हक्कासाठी मराठी लोक उभे राहतील. पण आमच्या भाषेच्या, आमच्या अस्मितेच्या विरोधात जर तुम्ही रस्त्यावर येत असाल, तर तो आमच्या मराठी अस्मितेचा अनादर असेल आणि असे असेल तर तुमची आमच्या महाराष्ट्राला कोणतीही गरज नाही. आजपर्यंत महाराष्ट्रात संघर्षाचा इतिहास आहे आणि तो संघर्ष आमच्यासाठी रोजचा घटक आहे", या शब्दात त्यानं नं मराठी भाषेला विरोध करणाऱ्या रिक्षा चालकांना खडे बोल सुनावले आहेत. महाराष्ट्र सरकारचा निर्णय काय आहे?महाराष्ट्र सरकारने एक महत्त्वाचा निर्णय घेतलाय. परिवहन मंत्री प्रताप सरनाईक यांनी जाहीर केल्यानुसार, येत्या १ मे २०२६ पासून राज्यात रिक्षा आणि टॅक्सी चालवणाऱ्या चालकांना मराठी भाषा येणे अनिवार्य करण्यात आले आहे. ज्यातील परवानाधारक रिक्षा आणि टॅक्सी चालकांची पडताळणी मोहीम राबवली जाणार आहे. ५९ प्रादेशिक परिवहन कार्यालयांमध्ये (RTO) चालकांना मराठी वाचता आणि लिहिता येते की नाही, हे सिद्ध करावे लागेल. जी व्यक्ती ही अट पूर्ण करू शकणार नाही, त्यांचा परवाना (License) रद्द केला जाऊ शकतो, अशी कडक तरतूद करण्यात आली आहे.महाराष्ट्र सरकारच्या या निर्णयाला युनियनने तीव्र विरोध दर्शविला आहे. निर्णय मागे घेतला नाही तर शशांक राव यांच्या नेतृत्वाखालील ऑटोरिक्षा चालक-मालक संयुक्त कृती समितीने ४ मेपासून तीव्र आंदोलनाचा इशारा दिला आहे.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

फिल्मी : निर्भय वाधवा झळकणार मोठ्या हनुमानाच्या भूमिकेत

फिल्मी : नवव्या वर्षात पदार्पण

फिल्मी : लीपनंतर वैशालीची एंट्री

फिल्मी : ‘खिलाडी’नं कृष्णाच्या शोमध्ये जाण्यास का दिला नकार ?

फिल्मी : जज फराह खानची ‘झलक’ !

फिल्मी : फ्रेश चेहरा, हिट फॅार्मुला

फिल्मी : लव्ह लग्न लोचा या मालिकेचे शीर्षक गीत सुपरहीट

फिल्मी : गुपितं उलगडणार

फिल्मी : अंगद नवा वारसदार

फिल्मी : विशाल नैतिकच्या भूमिकेत?