याला म्हणतात मराठी माणूस! परप्रांतीय रिक्षा चालकांच्या संपाच्या दिवशी स्वत:ची गाडी टॅक्सी म्हणून रस्त्यावर ...

महाराष्ट्रात रिक्षा आणि टॅक्सी चालकांना १ मेपासून मराठी अनिवार्य करण्यात येणार आहे. मराठी न येणाऱ्या रिक्षाचालकांवर कारवाई करण्यात येणार आहे. परिवहन मंत्री प्रताप सरनाईक यांच्या या निर्णयाला राज्यातील अमराठी आणि परप्रांतीय रिक्षाचालकांनी विरोध केला आहे. अमराठी रिक्षा आणि टॅक्सी चालकांनी मराठी सक्तीविरोधात ४ मे रोजी संप पुकारला आहे. त्यामुळे राज्यातील नागरिकांची गैरसोय होऊ नये म्हणून मराठमोळा शिव ठाकरे पुढे आला आहे. शिव ठाकरेने एक मोठा निर्णय घेतला असून त्याचं सर्वत्रच कौतुक होत आहे. अमराठी रिक्षा चालकांच्या संपाच्या दिवशी शिव ठाकरे त्याची गाडी टॅक्सी म्हणून नागरिकांच्या सेवेसाठी रस्त्यावर उतरवणार आहे. याबाबत त्याने सोशल मीडियावर पोस्ट शेअर केली आहे. शिव ठाकरे इन्स्टाग्रामवर शेअर केलेल्या स्टोरीमध्ये म्हटलं आहे की "राम राम महाराष्ट्र, ४ मे रोजी टॅक्सी ड्रायव्हरचा संप आहे. तरीही आपल्या सेवेमध्ये कुठेही आपणांस MH27 DK 0909 (टाटा हॅरिअर) तुमच्या हक्काची टॅक्सी रिक्षा कुठेही दिसल्यास हक्काने थांबवणे. आपली खूण एकच गाडीच्या पाठीमागे जय महाराष्ट्र आणि ड्रायव्हर सीटवर भगवा फेटा असलेला दादा आपल्या सेवेस सदैव तत्पर...काहीही हो... मराठी माणूस थांबता कामा नये...तुमचा आपला माणूस शिव ठाकरे". शिव ठाकरेने घेतलेल्या या निर्णयाचं सर्वत्र कौतुक होत आहे. मराठी सक्ती विरोधात अमराठी रिक्षा चालकांनी दिलेल्या संपाच्या इशाऱ्यावर अनेक कलाकारांनीही त्यांची मतं मांडली आहे. मराठी शिकणार नाही, असं म्हणत मुजोरी करणाऱ्या रिक्षा आणि टॅक्सी चालकांचा परवाना रद्द करण्याचा इशारा प्रताप सरनाईक यांनी दिला आहे. राज्यातील रिक्षा-टॅक्सीसह सर्व प्रकारच्या प्रवासी वाहनचालकांना मराठी भाषा शिकावीच लागेल. महाराष्ट्रात व्यवसाय करायचा असेल, तर या वाहनचालकांना मराठीतून बोलावे लागेल, असंही त्यांनी म्हटलं आहे.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

फिल्मी : बिपाशा-करण म्हणणार 'भाभीजी घर पर है'

फिल्मी : या कारणामुळे परागने सोडली ब्रम्हराक्षस ही मालिका

फिल्मी : 'सरस्वती' मालिकेत पती पत्नी आणि वो....

फिल्मी : संतोष कुठे गायब झाला?

फिल्मी : विनीतला भावतात पौराणिक संवाद !

फिल्मी : अली शोधतोय आपल्या पत्नीला

फिल्मी : टीव्ही कलाकारांमध्ये डेंग्यूची दहशत !

फिल्मी : अली शोध घेतोय आपल्या पत्नीचा...

फिल्मी : Exclusive छोट्या पडद्यावर दिवाळी सेलिब्रेशन !

फिल्मी : द्रष्टीच्या भेटीला जर्मन फॅन !