‘तुझ्यात जीव रंगला’ या मालिकेमुळे घराघरात पोहोचलेले राणादा आणि पाठक बाई अर्थात अभिनेता हार्दिक जोशी (Hardeek Joshi ) व अभिनेत्री अक्षया देवधर (Akshaya Deodhar) यांची बातच न्यारी. हे लोकप्रिय कपल लवकरच लग्नबंधनात अडकणार आहे. मे महिन्यात अक्षया व हार्दिकचा साखरपुडा पार पडला. अक्षया व हार्दिकने अचानक साखरपुडा करत, चाहत्यांना सुखद धक्का दिला होता.
साखरपुडा झाल्यानंतर हे जोडपं सतत चर्चेत आहे. कधी एकमेकांसोबतच्या रोमॅन्टिक व्हिडीओमुळे तर कधी फोटोंमुळे. सध्या काय तर दोघांचा एक रोमॅन्टिक व्हिडीओ व्हायरल होतोय. काही दिवसांपूर्वीच हे कपल लंडनमध्ये व्हॅकेशनवर गेलं होतं. या व्हॅकेशनदरम्यानचा एक व्हिडीओ अक्षयाने शेअर केला आहे.
या व्हिडिओमध्ये अक्षया व हार्दिक लंडनच्या रस्त्यावर फिरताना दिसत आहेत. एकमेकांत हरवलेल्या या जोडप्याचा रोमान्स व्हिडीओत बघायला मिळत आहेत. हार्दिकने अक्षयाचा हात पकडला आहे. दोघंही एकमेकांच्या डोळ्यात बघत आहेत आणि बॅकग्राऊंडमध्ये ‘तू बिन बताये मुझे ले चल कहीं....,’ हे गाणं वाजतंय.
याआधीही दोघांनी लंडनमधील एक रोमॅन्टिक व्हिडीओ पोस्ट केला होता. अक्षया आणि हार्दिकच्या लंडन व्हेकेशनचा हा रोमॅन्टिक व्हिडीओ सध्या तुफान व्हायरल होतोय. कपलचा अंदाज चाहत्यांना प्रचंड पसंत पडला आहे. झी मराठीवरील ‘तुझ्यात जीव रंगला’ या मालिकेतील अंजली बाई आणि राणादा या ऑनस्क्रीन जोडीला खूप लोकप्रियता मिळाली होती. ही आॅनस्क्रीन जोडी आता आयुष्यभरासाठी एकमेकांसोबत एंगेज झाली आहे. अक्षया आणि हार्दिक लवकरच लग्नबंधनात अडकणार आहेत. पुण्यात त्याचा विवाह सोहळा संपन्न होणार आहे. काही दिवसांपूर्वी दोघांनी ‘चला हवा येऊ द्या’मध्ये हजेरी लावली होती. तेव्हा लग्न कधी आणि कुठे करणार असा प्रश्न विचारल्यानंतर दोघेही पुण्यात लग्न करणार असल्याचं त्यांनी सांगितलं. लग्नाची तारीख मात्र अद्या गुलदस्त्यात आहे.