कॉमेडियन कपिल शर्मा आणि गिन्नी चतरथ आज १२ डिसेंबरला लग्नबंधनात अडकणार आहेत. लग्नाचे विधी सुरू झाले आहेत. कपिलचे मनोरंजन विश्वातील जवळचे मित्रही या लग्नात सामील होण्यासाठी पंजाबला पोहोचले आहेत. कॉमेडियन भारती सिंग,कृष्णा अभिषेक, सुमोना चक्रवर्ती, राजीव ठाकूर, गायिका ऋचा शर्मा असे सगळे या लग्नात सामील होत आहेत. ‘द कपिल शर्मा’शोची संपूर्ण टीम या लग्नाला हजर आहे.
गतवर्षी मार्चमध्ये ‘मिट माय वाईफ’अशी पोस्ट टाकून कपिलने गिन्नीसोबतचे रिलेशन जगजाहिर केले होते. यानंतर कपिल व सुनील ग्रोव्हर यांच्या भांडणाचा एक अंग गाजला होता. याचदरम्यान मध्यंतरी कपिल आणि गिन्नीच्या ब्रेकअपची बातमीही आली होती. पण कालांतराने ही बातमी अफवा असल्याचे सिद्ध झाले होते. गिन्नी आणि कपिल शर्मा दोघेही एकाच कॉलेजमध्ये शिकत होते. तिथेच दोघांची ओळख झाली आणि एकमेकांच्या प्रेमात पडले. गिन्नीसह कपिलने ‘हस बलिय’ या शोमध्येही एकत्र कामही केले आहे. कॉलेजमध्ये असताना गिन्नीच्या नाटकांच्या प्रयोगांमध्येही तो तिची खूप मदत करायचा. गत वर्षभरात कपिलच्या आयुष्यात प्रचंड उलथापालथ झाली. तो अनेक वादांत सापडला. डिप्रेशन, व्यसन आदींमध्ये गुरफटला. पण आता तो या सगळ्यांतून बाहेर पडला आहे. लवकरच कपिल छोट्या पडद्यावर परतणार आहे.