दत्त जयंतीच्या मुहूर्तावर कलर्स मराठी प्रेक्षकांसाठी एक भव्यदिव्य, भावपूर्ण आध्यात्मिक कथा दत्तजयंती विशेष सप्ताहाच्या स्वरूपात घेऊन येत आहे. येत्या ४ ते १० डिसेंबर रात्री ८ वाजता प्रसारित होणारे हे विशेष भाग स्वामी समर्थांच्या दत्त अवताराचं रहस्य, त्यांच्या भक्त कृपा,लीला आणि ब्रह्मा–विष्णू–महेश या त्रिदेवांच्या शक्तींचा एकत्रित अनुभव साकार करतील. दत्त म्हणजे उत्पत्ती, पालन आणि संहार यांचा परम संगम आणि या तीन शक्तींचं दिव्य प्रगटीकरण प्रेक्षकांना प्रथमच एका सलग कथेत आठवडाभर विस्ताराने अनुभवायला मिळणार आहे.
ही विशेष कथा रंजना नावाच्या एका तरुणीच्या संघर्षमय आयुष्याभोवती फिरते, जिथे काका-काकूंचा छळ, भावाचा जीवघेणा आजार आणि गावगुंड अभिरामच्या अत्याचारामुळे तिचं आयुष्य उद्ध्वस्त झालेलं दिसतं. आजच्या काळाचे प्रतिबिंब असलेल्या़ रंजनाच्या असहाय हाकेला स्वामी कसे उत्तर देतात आणि प्रत्यक्ष स्वामी समर्थ तीन रूपांत कसे प्रकट होतात ब्रह्मरूप प्रजापती, विष्णूरूप नारायण आणि रुद्ररूप महेश या रूपात वेगवेगळे येण्याचे त्यांचे प्रयोजन काय ? उत्पत्ती, पालन आणि संहार तत्त्वाच्या या तिन्ही दैवी शक्ती एकत्र आल्यानंतर घडणारा चमत्कार नेमका काय असेल याची उत्तरे या दत्तजयंती विशेष सप्ताहात मिळणार आहेत.
Web Summary : Colors Marathi presents a special week of 'Jai Jai Swami Samarth' focusing on Lord Dattatreya. The story revolves around Ranjana, whose life is filled with challenges. Swami Samarth manifests in three forms to help her overcome obstacles, showcasing divine power.
Web Summary : कलर्स मराठी 'जय जय स्वामी समर्थ' का एक विशेष सप्ताह प्रस्तुत करता है, जो भगवान दत्तात्रेय पर केंद्रित है। कहानी रंजना के चारों ओर घूमती है, जिसका जीवन चुनौतियों से भरा है। स्वामी समर्थ तीन रूपों में प्रकट होकर उसकी बाधाओं को दूर करने में मदद करते हैं, दिव्य शक्ति का प्रदर्शन करते हैं।