झी मराठी वाहिनीवर नुकतीच 'माझी तुझी रेशीमगाठ' ही मालिका प्रेक्षकांच्या भेटीला आली आहे. या मालिकेला कमी कालावधीत प्रेक्षकांचा चांगला प्रतिसाद मिळतो आहे. या मालिकेत अभिनेता श्रेयस तळपदे, प्रार्थना बेहरे हे मुख्य भूमिकेत आहेत. तर संकर्षण कऱ्हाडे, मोहन जोशी हे प्रमुख भूमिकेत आहे. मात्र या मालिकेत सर्वांचे लक्ष वेधले आहे ते या मालिकेतील छोट्या परीने. मालिकेतील नेहाची मुलगी परी हिचे खरे नाव मायरा वायकुळ असे आहे.
माझी तुझी रेशीमगाठ मालिकेतील परी म्हणजेच मायरा वायकुळ सर्वांचेच लक्ष वेधून घेते आहे. तिची निरागसता, बोलण्यातील साधेपणा आणि हसणे, मुरडणे, रुसणे पाहायला खूपच मजा येते. तिचा अभिनय देखील अप्रतिम आहे. खरंेतर मालिकेच्या प्रोमोपासूनच तिला सर्वांची पसंती मिळताना दिसली.
माझी तुझी रेशीमगाठ मालिकेच्या सेटवर देखील अभिनेत्यांना तिच्यासोबत व्हिडिओ काढायचा मोह होतो आणि त्यांचे हे व्हिडीओ सोशल मीडियावर पहायला मिळतात.