स्टार प्लस वाहिनीवर 'दिल जैसे धडके धडकने दो' या नावीन्यपूर्ण नावाची एक नवी मालिका प्रेक्षकांच्या भेटीला येत आहे. प्रसिद्ध दिग्दर्शक महेश भट्ट यांची कल्पना असून गुरोदेव भल्ला या मालिकेचे दिग्दर्शक आणि निर्माते आहेत. त्यांनी २०१६ मध्ये स्टार प्लससाठी नामकरण नावाची मालिका प्रदर्शित केली होती. हा यशस्वी कॉम्बो पुन्हा अनुभवायला मिळणार आहे दिल जैसे धाडके धडकने दोच्या निमित्ताने. या मालिकेच्या निमित्ताने दोन नविन बाल कलाकार आपल्याला पाहायला मिळणार आहेत. जेरेड अल्बर्ट सविलीये आणि हिरवा त्रिवेदी.
दोन लहान मुलांची गोष्ट असून नियतीने त्यांची केलेली थट्टा व त्यांचे एकमेकांवरील प्रेम याचे अनोखे बंधन यात पाहायला मिळेल. नुकताच या मालिकेचा टीझर लाँच करण्यात आला, तो पाहताच या दोन्ही मुलांना प्रेक्षकांकडून उत्तम प्रतिसाद मिळतो आहे. यात भर म्हणजे सहा वर्षांचा अल्बर्ट रॅपर बनलाय.