ठग सुकेश चंद्रशेखरच्या २०० कोटी रुपयांच्या मनी लाँड्रिंग प्रकरणात रोज काहीतरी ना काही समोर येत आहे. नुकतीच जॅकलिन त्याच्या विरोधात हायकोर्टा पोहोचली होती. सुकेशच्या आक्षेपार्ह पत्रे आणि मेसेजमुळे त्रस्त झालेल्या अभिनेत्रीने कोर्टात धाव घेतली आहे. आता सुकेशनेही तिच्याविरोधात अर्ज लिहिला आहे. आता अभिनेत्रींच्या अडचणीत वाढ होण्याची शक्यता वर्तवली जात आहे.
जॅकलिन फर्नांडिसवर या आधी प्रेमाच्या गोष्टी करणारा सुकेश चंद्रशेखर आता तिच्या विरोधात आला आहे. जॅकलिन हायकोर्टात गेल्याचे तिचाच तोटा झाल्याचे दिसत आहे. जॅकलीनने नुकतेच दिल्ली उच्च न्यायालयात आपल्यावरील आरोप फेटाळण्यासाठी अपील केले होते. यासोबतच सुकेशच्या वतीने आपल्याला या प्रकरणात गोवण्यात आल्याचा दावाही तिने केला आहे.
सप्तपदीपासून ते कानपिळीपर्यंत! दणक्यात झालं गौतमीचं लग्न; समोर आला लग्नाचा अल्बम
जॅकलीन आणि सुकेशमध्ये आरोप-प्रत्यारोपांची मालिका सुरू झाली आहे. अभिनेत्रीने एक पाऊल उचलल्यानंतर आता सुकेश तिला धमकी देत आहे. तो म्हणला की तो अभिनेत्रीची सर्व रहस्ये उघड करेल आणि न पाहिलेले पुरावे उघड करेल. आपल्या ताज्या पत्रात सुकेशने अभिनेत्रीचे नाव न घेता म्हटले आहे की, मी आता तिच्याविरोधातील सर्व पुरावे दाखवेन. तपासात मोठ्या प्रमाणात पक्षपात झाल्याचा त्यांचा दावा आहे. याशिवाय सुकेशने चॅट्सचे स्क्रीनशॉट आणि रेकॉर्डिंगसह पुरावे दाखवत अनेक गोष्टी सांगितल्या आहेत.
सुकेशच्या वतीने याचिकेत असेही म्हटले आहे की, जेव्हा जॅकलीनला त्याच्याकडून पत्रे येत होती, तेव्हा तिने गेल्या वर्षीच उच्च न्यायालयात का धाव घेतली नाही? जॅकलिनला पाठवलेल्या कोणत्याही पत्रात धमकी किंवा सूचना दिल्याचा उल्लेख असल्यास मी कोणतीही शिक्षा स्वीकारण्यास तयार आहे.', असंही यात म्हटले आहे.
प्रकरण नेमकं काय आहे?
डिसेंबर २०२१ मध्ये २०० कोटी रुपयांच्या मनी लॉन्ड्रिंग प्रकरणात जॅकलिनचे नाव पहिल्यांदा समोर आले. यानंतर ईडीने तपासात अभिनेत्रीलाही आरोपी आढळून आले. याप्रकरणी जॅकलिनची अनेकदा चौकशी करण्यात आली आहे. ज्यामध्ये जॅकलीन सुकेशसोबत रिलेशनशिपमध्ये असल्याचे उघड झाले होते आणि तुरुंगात त्याला भेटायला जायची. इतकेच नाही तर सुकेश जॅकलीनला महागडे गिफ्ट्स द्यायचा, असंही उघड झाले होते.