एकेकाळी गाजवला मोठा पडदा, आता राजकारणात! भाजपाकडून BMC निवडणूक लढवणारी निशा परुळेकर कोण?

1 / 10

सध्या मुंबई आणि उपनगरासह संपूर्ण राज्यात महापालिका निवडणुकांची रणधुमाळी सुरू आहे. भाजपाकडून काही उमेदवारांना मुंबई महापालिका निवडणुकीचा एबी फॉर्म देण्यात आला असून मराठी अभिनेत्रीही निवडणुकीच्या रिंगणात उतरली आहे.

2 / 10

प्रसिद्ध मराठी अभिनेत्री निशा परुळेकरला भाजपाकडून उमेदवारी जाहीर करण्यात आली आहे. कांदिवली पूर्व प्रभाग क्रमांक २५ साठी निशाला भाजपाने उमेदवारी दिली आहे.

3 / 10

निशा परुळेकरने मुंबई महापालिका निवडणुकीसाठी उमेदवारी अर्ज दाखल केला असून तिच्या विरोधात शिवसेनेच्या ठाकरे गटाचे योगेश भोईर-माधुरी भोईर उमेदवार आहेत.

4 / 10

निशा परुळेकर हे मराठी कलाविश्वातील लोकप्रिय नाव आहे. अभिनय आणि सौंदर्याने निशाने एके काळी मोठा पडदा गाजवला.

5 / 10

'काळुबाई पावली नवसाला', 'अशी होती संत सखू', 'सासूच्या घरात जावयाची वरात', 'पोलीस लाईन', 'हरी ओम विठ्ठला', 'तीन बायका फजिती ऐका' हे तिचे गाजलेले सिनेमे.

6 / 10

अनेक नाटक, मालिका आणि सिनेमांमध्येही तिने काम केलं आहे. 'सही रे सही' या नाटकात तिने भरत जाधव यांच्यासोबतही काम केलं होतं.

7 / 10

याशिवाय सुख म्हणजे नक्की काय असतं, दख्खनचा राजा ज्योतिबा या मालिकांमध्ये ती दिसली होती.

8 / 10

निशाने साकारलेली महालक्ष्मी अंबाबाई ही भूमिका प्रेक्षकांच्या पसंतीस उतरली होती.

9 / 10

निशा गेल्या काही काळापासून राजकारणात सक्रिय आहे. सध्या ती भाजपा सांस्कृतिक प्रकोष्ठच्या सहसंयोजक म्हणून कार्यरत आहे.

10 / 10

अभिनयाने प्रेक्षकांच्या मनात घर केलेली निशा निवडणुकीत जिंकून त्यांच्या घरात स्थान मिळवू शकेल का हे पाहावं लागेल.