कॅजुअल लूकमध्ये असलेली सुहाना खूपच सुंदर दिसत होती. कॅमेरे दिसताच नेहमीप्रमाणे ती काहीशी घाबरलेली. तिने मान खाली घालून कारच्या दिशेने धाव घेतली. तर अहाननेदेखील तेथून झटपट निघणे पसंत केले. अहान पांडे अभिनेता चंकी पांडेचा पुतण्या आहे. दरम्यान, सुहानाने यावेळी कारगो आणि क्रॉप टॉप परिधान केला होता. अहानदेखील कॅजुअल अंदाजातच होता.
हे दोन्ही स्टारकिड्स कॅमेरे बघताच काहीशे चलबिचल झाले. दोघेही घाबरले होते. मात्र अहानने काहीसे धाडस केले. सुरुवातीला त्याने कॅमेरामॅनला पोज दिली. त्यानंतर तो थेट कारकडे निघाला. तर सुहाना नेहमीप्रमाणेच कॅमेºयापासून स्वत:ची सुटका करून घेताना दिसली. या अगोदर हे दोघे लॅक्मे फॅशन वीकमध्ये बघावयास मिळाले होते.
सुहानाला पप्पा किंग खानप्रमाणेच अभिनयात करिअर करायचे आहे. त्यासाठी ती तयारीही करीत आहे. काही दिवसांपूर्वीच शाहरूख खानने एका मुलाखतीत सुहानाला अभिनयात रस असल्याचे म्हटले होते. सध्या सुहाना शिकत आहे. शाहरूखच्या मते, सुहानाने अगोदर तिचे शिक्षण पूर्ण करावे, त्यानंतरच अभिनयाचा विचार करावा. सुहानादेखील त्याच दिशेने पाऊल टाकत आहे. सुहाना पप्पा शाहरूखची प्रचंड लाडकी लेक आहे.