६ मुलांच्या वडिलांच्या प्रेमात पडलेली रेखाची आई; अभिनेत्यासोबत होते संबंध, त्याने पत्नीला सोडायला नकार दिला अन्...
By ऑनलाइन लोकमत | Updated: February 27, 2025 17:21 IST
1 / 11बॉलिवूड अभिनेत्री रेखाला कोण ओळखत नाही. वयाची सत्तरी ओलांडलेली रेखा आजही चाहत्यांना तिच्या सौंदर्याने घायाळ करते. 2 / 11प्रेक्षकांचं अतोनात प्रेम मिळालेल्या रेखाला खऱ्या आयुष्यात मात्र तिच्या प्रेमाला मुकावं लागलं. लग्नानंतर काही महिन्यातच पतीचं निधन झाल्यानंतर रेखाने सिंगल राहणंच पसंत केलं. 3 / 11रेखाप्रमाणेच तिच्या आईलाही खऱ्या आयुष्यात प्रेम मिळालं नाही. रेखाची आईदेखील सुप्रसिद्ध अभिनेत्री होती. त्यांचं नाव पुष्पावली असं होतं. 4 / 11पुष्पावली यांनी त्यांच्या अभिनयाने ३०-४० चं दशक गाजवलं. त्यांनी बालकलाकार म्हणूनच काम करायला सुरुवात केली होती. १९४७ साली प्रदर्शित झालेल्या मिस मालिनी या सिनेमाने त्यांना प्रसिद्धी मिळवून दिली. 5 / 11पुष्पावली यांनी १९४० साली आय वी रंगचारी यांच्याशी लग्न केलं होतं. मात्र, ६ वर्षांतच त्यांचा संसार मोडला. त्यांच्यापासून त्यांना दोन मुलं होती. 6 / 11सिनेमात काम करणं पुष्पावल्ली यांच्या सासरच्या लोकांना आणि पतीलाही मान्य नव्हतं. त्यामुळेच ते दोघेही वेगळे राहू लागले होते. 7 / 11त्यानंतर पुष्पावल्ली एका सिनेमाच्या शूटिंगदरम्यान अभिनेता जेमिनी गणेशन यांच्या प्रेमात पडल्या. जेमिनी यांची आधीच दोन लग्न झाली होती. तेव्हा त्यांना ६ मुलं होती. 8 / 11पुष्पावल्ली यांनी पहिल्या पतीपासून घटस्फोट घेतला नव्हता. पण, जेमिनी यांच्यासोबत त्यांचे प्रेमसंबंध होते. यातूनच अभिनेत्री रेखाचा जन्म झाला होता. 9 / 11पुष्पावल्ली यांना रेखानंतर अजून एक मुलगी झाली. त्यानंतर त्यांनी गणेशन यांना लग्न करण्याची इच्छा बोलून दाखवली. 10 / 11मात्र अभिनेत्याने पत्नीला सोडण्यास नकार दिला. जेमिनी यांनी ७८व्या वर्षी गुपचूप तिसरं लग्न केलं. यामुळे पुष्पावल्ली यांना धक्का बसला होता. आणि त्यांनी जेमिनी यांच्यासोबत असलेले सगळे संबंध तोडले. 11 / 11पुष्पावल्ली या लहानपणापासूनच त्यांच्या दोन्ही मुलींना सेटवर घेऊन जात होत्या. पण, त्यांना फार चांगली कामं मिळत नव्हती. त्यामुळेच नंतर रेखा यांना कमी वयातच सिनेमात काम करावं लागलं.