या वर्षातील सर्वात धक्कादायक बातमी होती ती हॉलिवूडचे बहुचर्चित कपल अभिनेत्री अँजलिना जोली आणि अभिनेता ब्रॅड पिट यांच्या ब्रेकअपची... ९ वर्षे एकत्र राहिल्यानंतर २९ ऑगस्ट २०१४ साली म्हणजे अवघ्या २ वर्षांपूर्वी ते फ्रान्समध्ये विवाहबद्ध झाले होते. मि. अँड मिसेस.स्मिथ चित्रपटादरम्यान या दोघांची ओळख झाली व त्याचे प्रेमात रुपांतर झाले. मात्र गेल्या काही महिन्यांपासून त्यांच्यादरम्यान वाद-विवाद सुरु असल्याच्या बातम्या येत होत्या. मात्र दोघांपैकी कुणीही याबाबत अधिकृतरित्या काहीच सांगितलं नवह्त. अखेर सप्टेंबर महिन्यात त्यांनी विभक्त होत असल्याचा निर्णय जाहीर केला.
अरबाज खान आणि त्याची हॉट पत्नी मलायका अरोरा खान या जोडीने या वर्षांत परस्परांपासून विभक्त होण्याचा निर्णय घेतला तेव्हा सगळ्यांनाच आश्चयार्चा धक्का बसला होता. खरंतर अरबाज आणि मलायका या दोघांकडे बॉलिवूडचे आदर्श कपल म्हणून पाहिले जात होते. पण जानेवारीच्या अखेर अरबाज आणि मलायका यांनी त्यांचे १७ वर्षे जुने संपवण्याचा निर्णय घेतल्याच्या बातम्या कानावर पडू लागल्या. मार्चच्या अखेरपर्यंत त्यांनी यावर मौन बाळगले होते. मात्र शेवटी अरबाजनेच आम्ही वेगळ झालो असल्याची कबूली दिली. पाच वर्षे एकमेंकाच्या प्रेमात अखंड बुडाल्यानंतर १२ डिसेंबर १९९८ रोजी मलायका व अरबाज लग्नाच्या बंधनात अडकले होते. या दोघांनी घटस्फोटासाठी अर्ज केला असून सध्या कौटुंबिक न्यायालयात या घटस्फोटाची प्रक्रिया सुरु आहे.
म्युझिक कंपोझर सिंगर आणि अ‍ॅक्टर हिमेश रेशमिया आपल्या पत्नीपासून घटस्फोट घेणार असल्याची बातमीही काही दिवसांपूर्वीच आली. या दोघांच्या लग्नाला २२ वर्षे झाली आहेत. गत ६ डिसेंबरला या दोघांनी घटस्फोटासाठी अर्ज केला असल्याची बातमी आली. या दोघांना एक मुलगा आहे.
या वर्षातच ज्येष्ठ अभिनेते ओम पुरी आणि त्यांची पत्नी नंदिता यांच्याबद्दलही अशीच बातमी आली. दोघांनीही आपला २६ वर्षांचे वैवाहिक नाते संपवण्याचा निर्णय घेतल्याची बातमी आली.
सन २००९ मध्ये पवित्र रिश्ताच्या सेटवर सुशांत आणि अंकिता या दोघांमध्ये प्रेम फुलले होते. यानंतर काई पो छे या चित्रपटाद्वारे सुशांतने बॉलिवूडमध्ये पदार्पण केले. सहा वर्षांच्या अफेअरनंतर जानेवारी २०१६ मध्ये सुशांतने अंकितासोबत लग्न करण्याची घोषणा केली होती. पण त्यापूर्वीच या दोघांचे नाते संपुष्टात आले. सध्या सुशांतचे नाव अभिनेत्री क्रिती सेनॉनसोबत जोडले जात आहे.
अभिनेता पुलकित सम्राट आणि श्वेता रोहिरा या दोघांचा संसार या वर्षांत संपुष्टात आला. श्वेता ही सलमान खानची मानलेली बहीण आहे. या दोघांच्या विभक्त होण्यामागे अभिनेत्री यामी गौतम कारणीभूत असल्याचे मानले गेले. खुद्द श्वेताने यामीला घर तोडनेवाली असे म्हटले होते.
अभिनेता फरहान अख्तर आणि हेअर स्टायलिस्ट अधुना भाबाननी यांनीही लग्नाच्या १६ वर्षांनंतर आपआपल्या वाटा वेगळ्या करण्याचा निर्णय घेतला. यावर्षी दोघांनीही आपसी संमतीने घटस्फोट घेतला. या घटस्फोटामागचे नेमके कारण अद्यापही समोर आलेले नाही. पण अभिनेत्री अदिती राव हैदरीमुळे दोघांमध्ये दुरावा आल्याची चर्चा मध्यंतरी रंगली. अर्थात अदिती व फरहान दोघांनीही याचा साफ शब्दांत इन्कार केला. यानंतर अभिनेत्री श्रद्धा कपूर आणि फरहान या दोघांच्या अफेअरच्या चर्चाही बºयाच रंगल्या. फरहान व अधुना यांना दोन मुली आहेत.
२०१६ च्या सुरुवातीला कॅटरिना कैफ आणि रणबीर कपूर या लव्ह बर्डच्या ब्रेकअपची चर्चा कानावर आली. दोघांच्याही ब्रेकअपची बातमी त्यांच्या चाहत्यांसाठी मोठा धक्का होती. दीपिका पादुकोण हिच्यासोबतच्या ब्रेकअपनंतर रणबीर कॅटरिनाच्या प्रेमात पडला होता. काही वर्षांच्या रिलेशनशिपनंतर ते लिव्ह-इनमध्ये राहू लागले होते. पण अवघ्या सहा महिन्यातच या जोडप्याच्या रिलेशनशिपचा शेवट ब्रेकअपमध्ये झाला. अर्थात कॅटरिना माझ्या आयुष्यातील सगळ्यात सच्ची आणि प्रेरणादायी व्यक्ति आहे असे रणबीरने नमूद केले आहे.