योगिता दांडेकरची प्रमुख भूमिका असलेला ​निर्भया ६ ऑक्टोबरला होणार प्रदर्शित

प्रेक्षकांच्या जाणिवा आणि समाजभान जागृत करणाऱ्या अनेक चित्रपटांना प्रेक्षकांनी नेहमीच चांगला प्रतिसाद दिला आहे. महिलांचा लैंगिक छळ हा आजच्या काळातला ऐरणीवरचा विषय आहे. घराबाहेर पडलेल्या स्त्रीची घुसमट चित्रपटाच्या माध्यमातून मांडण्याचा प्रामाणिक प्रयत्न आगामी निर्भया या मराठी चित्रपटातून करण्यात आला आहे. स्वानंदी प्रोडक्शन प्रस्तुत निर्भया हा मराठी सिनेमा येत्या ६ ऑक्टोबरला प्रेक्षकांच्या भेटीला येतोय. या चित्रपटाची निर्मिती अमोल अहिरराव यांची असून दिग्दर्शन आनंद बच्छाव यांचे आहे.निर्भयाच्या आयुष्यात घडणाऱ्या एका दुर्देवी घटनेमुळे तिचे आयुष्य उद्ध्वस्त  होते. या दुर्देवी घटनेनंतर पोलिस तसेच राजकीय नेत्यांकडून दाद मागायला गेलेल्या निर्भयाच्या पदरी निराशा पडते. निर्भयाच्या आयुष्यात पुढे अशा काही घटना घडतात की, तिच्या आयुष्याला वेगळे वळण मिळते. या वळणामुळे निर्भयाच्या आयुष्याला काय कलाटणी मिळते हे निर्भया या चित्रपटात प्रेक्षकांना पाहायला मिळणार आहे.या चित्रपटात योगिता दांडेकर निर्भयाच्या मुख्य भूमिकेत असून तिच्यासोबत स्मिता जयकर, किशोर महाबोले, अनिकेत केळकर, अभिजीत कुलकर्णी, ओंकार कर्वे, ज्ञानेश्वर वाघ, पूजा राज, प्रवीण दवे, विद्या भाटिया, प्रतिक  चांदवडकर, प्रकाश गायकवाड, बजरंग लहाने, विष्णू चौधरी, सिद्धार्थ, रामकृष्ण थोरात, निकिता, संगीता यांच्या भूमिका आहेत.  चित्रपटात  वेगवेगळ्या  जॉंनरची चार  गाणी असून ती आदर्श शिंदे, महमद अजीज, रुतु पाठक, उत्तरा केळकर, शाहीद मालिया, सोनू मालिया, कविता निकम यांनी गायली आहेत. या चित्रपटाची गीते बाबासाहेब सौदागर, अभिजीत कुलकर्णी, ज्ञानेश्वर वाघ यांनी लिहिली असून संगीत देव-आशिष यांचे आहे. कथा संतोष हुदलीकर यांची असून पटकथा-संवाद डॉ. मुरलीधर भावसार यांचे आहेत. संकलन विनोद चौरसिया तर छायांकन मनिष पटेल यांचे आहे. सहनिर्माते नितीन पाटील आहेत. नृत्यदिग्दर्शन प्रविण बारिया यांचे आहे. वेशभूषा मानिक गायकवाड, तर रंगभूषा रमेश विरकायदे यांची आहे. कला दिग्दर्शन अभिषेक यांचे आहे. महिलांवर होणाऱ्या अत्याचारांना वाचा फोडण्याचा सक्षम प्रयत्न  करणारा निर्भया ६ ऑक्टोबरला प्रदर्शित होत आहे.Also Read : योगिता दांडेकर बनली ‘निर्भया’