एकटेपणावर उपाय - 'लॉस्ट अँड फॉऊंड '

   सध्याच्या टेक्नो सॅव्ही शहरातून संपर्काच्या साधनांचा सुकाळ झालाय. एका क्लीक वर आपण कोणाशीही कनेक्ट होऊ शकतोय पण हे कनेक्शन मनांना कनेक्ट करतं का ? मोठमोठ्या शहरातून लाखो माणसं आजूबाजूला असतात पण तरीही Facebook, WhatsApp, Instagram च्या जमान्यात अनेकांना एकटेपणानं ग्रासलंय ! शहरातल्या ह्या भेसूर एकटेपणातून बाहेर पडण्यासाठी निर्माते विनोद मलगेवार ह्यांचा 'लॉस्ट अँड फॉऊंड' हा २९ जुलैला प्रदर्शित होणारा आगामी चित्रपट नक्कीच पहायला हवा ! खरं तर निर्माते विनोद मलगेवार हे कॅलिफोर्नियात स्थायिक झाले असून १०-१५ वर्षांपासून ते भारता बाहेर आहेत. परंतु मराठी माती पासून जरी ते दूर असले तरी मराठी मातीशी असलेली आपली नाळ त्यांनी तुटू दिली नाही. उत्तम मराठी कलाकृतीला ते कायमच प्रोत्साहन देत आले आहेत. लेखक ऋतुराज धालगडे ह्यांच्या ह्या सुंदर कथेतून त्यांनी  'लॉस्ट अँड फाऊंड ' ह्या अत्यंत हटके चित्रपटाची निर्मिती केली. ह्या चित्रपटाचे लेखक -दिग्दर्शक ऋतुराज धालगडे ह्यांनी हा विषय खूपच मार्मिकपणे मांडला आहे. शिवाय सिद्धार्थ चांदेकर, स्पृहा जोशी, मंगेश देसाई, डॉ मोहन आगाशे, शुभांगी दामले, तेजस्वी पाटील ह्या कलाकारांनी सुद्धा ह्या विषयाला योग्य तो न्याय दिला आहे.पाहूया, आपलंही काही हरवलेलं गवसतंय का ह्या चित्रपटात !