'वास्तव'च्या आठवणीत रमणार संजय दत्त आणि महेश मांजरेकर

मराठी चित्रपट 'दे धक्का' हिंदीमध्ये रिमेक होत आहे. वास्तव चित्रपटानंतर संजय दत्त आणि महेश मांजरेकर या चित्रपटाच्या निमित्ताने पुन्हा एकत्र येत आहेत. याविषयी बोलताना महेश मांजरेकर म्हणाले, '' मी संजय दत्तचा जवळचा दोस्त आहे आमच्या वास्तवची आठवण आजही लोकांना आहे. दे धक्का हा चित्रपट आम्हा दोघांसाठी खूप वेगळा आहे. कारण पुन्हा एकदा आम्ही वास्तवची जादु पसरवणार आहोत.''

ते पुढे म्हणाले, '' काही लोकांचे म्हणणे आहे की, मी फक्त अंडरवर्ल्डवरील चित्रपट बनवतो. मी अनेक तरळ कथा असलेले चित्रपट बनवले आहेत. या चित्रपटाची कथाही वेगळे असल्यामुळे लोक त्याला स्वतःशी जोडू शकतील.'''दे धक्का' हा पूर्णतः कौटुंबिक चित्रपट आहे. डिसेंबरमध्ये आम्ही याच्या शूटींगला सुरुवात करणार आहोत. संजयची यात वेगळी भूमिका पाहायला मिळणार आहे.निर्माते संदीप सिंग आणि उमंग कुमार यांच्या लिजेंड स्टूडियोजच्या बॅनर खाली हा चित्रपट बनेल.