मराठी चित्रपटसृष्टीतील चॉकलेट बॉय म्हणून ओळखल्या जाणारा अभिनेता सिद्धार्थ चांदेकर आणि त्याची होणारी भावी पत्नी म्हणजेच अभिनेत्री मिताली मयेकर हे दोघं सातत्यानं सोशल मीडियावरील फोटोंमुळे चर्चेत असतात. या दोघांचा यावर्षी जानेवारी महिन्यात साखरपुडा पार पडला. त्याआधीपासून ते दोघं सोशल मीडियावर त्यांचे एकत्र फोटो शेअर करत असतात. नुकतेच सिद्धार्थनं रोमांस करतानाचे फोटो व त्याचे मितालीबाबतचे फिलिंग्स इंस्टाग्रामवर शेअर केले आहेत.
नुकतेच सिद्धार्थने मितालीसोबतचे रोमँटिक फोटो इंस्टाग्रामवर शेअर केले आहेत. त्यात त्या दोघांची केमिस्ट्री खूप छान वाटते आहे. त्यांच्या या फोटोंवर कमेंट्सचा वर्षाव होतो आहे.
‘उर्फी’ चित्रपटातून मितालीनं चित्रपटसृष्टीत पदार्पण केलं त्यानंतर झी युवावरच्या ‘फ्रेशर्स’ मालिकेतही मितालीनं काम केलं आहे. तर ‘गुलाबजाम’, ‘क्लासमेट’ सारखे अनेक चित्रपट ‘अग्नीहोत्र’, ‘प्रेम हे’ सारख्या मालिकेतून सिद्धार्थनं प्रेक्षकांच्या मनात घर केलं आहे.
आता मिताली व सिद्धार्थ लग्नबेडीत कधी अडकणार हे जाणून घेण्यासाठी त्यांचे चाहते उत्सुक आहेत.