मराठी आणि हिंदी चित्रपटसृष्टीतील दोन दिग्गज अभिनेते नुकतेच भेटले आणि या भेटीची सध्या जोरदार चर्चा सुरू आहे. मराठी चित्रपटसृष्टीतील विनोदी आणि कसदार अभिनयासाठी ओळखले जाणारे अभिनेते मकरंद अनासपुरे आणि बॉलिवूडचा लोकप्रिय स्टार आयुषमान खुराणा यांची भेट झाली. या भेटीचा खास फोटो स्वतः मकरंद अनासपुरे यांनी सोशल मीडियावर शेअर केला आहे.
मकरंद अनासपुरे यांनी आयुषमान खुराणाच्या कामाचं आणि त्याच्या स्वभावाचं भरभरून कौतुक केले आहे. या भेटीबद्दल त्यांनी एक खास पोस्ट लिहिली. ज्यात ते म्हणाले, "आयुष्मान भवः मला आयुषमान खुराणाला भेटणे खूप आनंददायी होते. त्याची खरी नम्रता त्याच्या उल्लेखनीय प्रतिभेशी जुळते". मकरंद अनासपुरे यांच्या या पोस्टवरून स्पष्ट झालं की, आयुषमान हा पडद्यावर जितका प्रतिभावान आहे, तितकाच तो वैयक्तिक आयुष्यातही नम्र आहे. या पोस्टवर अनेक लाईक्स आणि कमेंट्स येत आहेत.
आयुषमान खुराणा आणि मकरंद अनासपुरे यांच्यामध्ये एक समान गोष्ट आहे. दोघांचे चित्रपट हे सामाजिक विषयांवर भाष्य करणारे आणि प्रेक्षकांना विचार करण्यास लावणारे असतात. मकरंद अनासपुरे यांचा सहजसुंदर अभिनय आणि अस्सल ग्रामीण टच असलेली कॉमेडी मराठी प्रेक्षकांना खूप आवडते. तर, आयुषमान खुराणा 'ड्रीम गर्ल', 'बधाई हो' सारख्या चित्रपटांमधून सामाजिक विषयावर हलक्या-फुलक्या विनोदी पद्धतीने भाष्य करण्यात माहीर आहे. आयुषमानचा अलिकडेच थामा हा चित्रपट प्रदर्शित झालाय. तर मकरंद अनासपुरे 'साडे माडे तीन' (Sade Maade Teen) या मूळ गाजलेल्या मराठी सिनेमाचा सीक्वलमधून लवकरच प्रेक्षकांच्या भेटीला येणार आहेत.
Web Summary : Veteran Marathi actor Makrand Anaspure met Bollywood star Ayushmann Khurrana. Anaspure praised Khurrana's humility and talent in a heartfelt social media post. Both actors are known for films addressing social issues with humor. Anaspure will be seen in 'Sade Maade Teen' sequel.
Web Summary : मराठी अभिनेता मकरंद अनासपुरे बॉलीवुड स्टार आयुष्मान खुराना से मिले। अनासपुरे ने सोशल मीडिया पर खुराना की विनम्रता और प्रतिभा की प्रशंसा की। दोनों अभिनेता सामाजिक मुद्दों पर हास्य के साथ फिल्में बनाने के लिए जाने जाते हैं। अनासपुरे जल्द ही 'साडे माडे तीन' के सीक्वल में दिखेंगे।