Exclusive देवदासच्या भूमिकेतील मंगेशचा फर्स्ट लुक

     प्रियांका लोंढे                                    शरत चंद्र चटोपाध्याय या बंगाली लेखकाच्या देवदास या कादंबरीवर दिग्दर्शक बिमल रॉय यांनी १९५५ साली देवदास हा चित्रपट बनवला होता. दिलीप कुमार यांनी साकारलेला देवदास आजही आपण विसरू शकत नाही. २००२ साली संजय लीला भन्साली यांनी पुन्हा एकदा देवदास हा चित्रपट बनवला. शाहरुखनेही देवदासच्या भूमिकेत जीव ओतला. आता दिग्दर्शक ऋतुराज धलगुडे मराठीत देवदास घेऊन येत आहेत. या मराठी चित्रपटात देवदासची भूमिका मंगेश देसाईला साकारण्याची संधी मिळाली आहे. नुकताच या चित्रपटाचा टिझर प्रदर्शित करण्यात आला आहे. यामध्ये तुझे लग्न हेच माझे स्वप्न होते... पण त्या स्वप्नात मी मलाच पाहायला विसरुन गेलो.... हा संवाद देवदासच्या तोंडून ऐकायला मिळतोय.                 पांढºया शुभ्र कपड्यांमध्ये धबधब्याच्या किनारी बसलेला देवा या टिझरमध्ये पाहायला मिळत आहे. दिग्दर्शक ऋतुराज धलगुडे याच्याशी या चित्रपटासंदर्भात संवाद साधला असता तो म्हणाला, देवदास हा चित्रपट याआधी १६ ते १७ भाषांमध्ये बनवण्यात आला आहे. मराठीत आपण देवदास करूयात असा विचार माज्या मनात आला आणि मी त्याबद्दल मंगेशला सांगितले. या चित्रपटातील देवदास हा खूपच बोलका आणि विचार करणारा, व्यक्त होणारा आहे. मला या चित्रपटासाठी सशक्त अभिनेता हवा होता. आणि त्यावेळी माज्या डोक्यात फक्त मंगेशचेच नाव आले. देवदासची शोकांतिका, त्याच्या डोळ्यातील हावभाव, दु:ख मंगेश अगदी योग्य दाखवू शकतो याचा मला विश्वास होता. आम्ही काही दृश्यांचे शुटिंग केले असून २०१७पर्यंत हा सिनेमा प्रदर्शित करण्याचा आमचा विचार असल्याचे ऋतुराजने सांगितले. तर मंगेश देसाईचा देवदासच्या भूमिकेतील हा एक्सक्लुझिव्ह फोटोदेखील ऋतुराजने सीएनएक्सशी शेअर केला आहे.