Exclusive - सोनालीच्या फोटोशूटची हॅट-ट्रीक

बेनझीर जमादार बॉलीवुड व मराठी इंडस्ट्रीमध्ये आपल्या अभिनयाने प्रेक्षकांच्या मनावर आधिराज्य गाजविणारी सोनाली कुलकर्णी या अभिनेत्रीने फोटोग्राफर योगेश गोलांडे याने केलेल्या फोटोशुटची हॅट-ट्रीक केली असल्याचे लोकमत सीएनएक्सला सांगितले. सोनाली म्हणाली, ज्याप्रमाणे मला बाईक रायडिंग, सायकलिंग करायला प्रचंड आवडते. त्याचप्रमाणे मला फोटोशुट करायला देखील फार आवडते. हे फोटोशुट मी गेली दोन वर्ष स्वत:ला मेन्टेंन केल्याबद्दल एक सेलिब्रेशन म्हणून केले आहे. यापूर्वी फोटोग्राफर योगेश गोलांडे याने दोन वेळा माझे फोटोशुट केलेले आहे. आतादेखील या सुंदर आउटफीटसमधील योगेशने क्लिक केलेल्या फोटोेसेशनची हॅट-ट्रीक झाली आहे. ते ही फक्त ३० मिनीटात पूर्ण केले आहे. योगेशच्या या कलेचे कौतुक करताना सोनाली म्हणाली,अशा फ्रेश व रायझिंग टॅलेन्टबरोबर काम करायला खूप आवडते. योगेशने काढलेल्या या फोटोशुटचे रिझल्टदेखील चांगले येत असल्याचे दिसत आहे. कारण सोशलमिडीयावर या फोटोशुटला प्रचंड लाइक्स मिळत आहे.