सध्या चर्चेत असलेल्या 'बिग बॉस मराठी सीझन ६' मध्ये नुकतीच वाईल्ड कार्ड एन्ट्री झाली आहे. एक दोन नाही तर तीन सेलिब्रिटींनी घरात वाईल्ड कार्ड म्हणून प्रवेश घेतला आहे. यामध्ये एक मराठीतला चॉकलेट हिरो, 'लग्नाची बेडी'फेम अभिनेता संकेत पाठकही आहे. संकेतच्या येण्याने आता राकेश बापटला टक्कर मिळणार आहे. दरम्यान घरात जायच्या आधी संकेतने लोकमत फिल्मीला मुलाखत दिली. यावेळी तो काय म्हणाला वाचा.
बिग बॉसची ऑफर आताच आली का की हे आधीच ठरलं होतं? यावर संकेत पाठक म्हणाला, "खूप आधी तर असं काही ठरलं नव्हतं. आयुष्य सरप्राईज करत राहतं तसंच हे बिग बॉस आत्ता अचानक घडलं आहे. मी इतर रिएलिटी शोज बघितले आहेत. बिग बॉसही फॉलो केलं आहे. मराठी बिग बॉस पाहिलंय, हिंदी एवढं बघितलं गेलं नाही. मराठीत काही मित्र मंडळी होती म्हणून मग त्यांच्यासाठी बघायचो. त्या पद्धतीने बिग बॉस फॉलो केलंय."
बिग बॉस शोबद्दल तुला काय वाटतं? यावर तो म्हणाला, "मी एक शिकलोय की लोकांना फार जज करायचं नाही. टीका करायची नाही. कारण प्रेक्षक म्हणून पाहताना टीका करणं सोपं असतं. प्रत्यक्ष खेळताना ते अवघड असतं. कितीही प्लॅनिंग केलं तरी गेम आपल्याला खेळवत असतो. काहीही ठरवून जाता येत नाही. परिस्थितीनुसार सगळं बदलतं."
"घरात कसा खेळ खेळायचा हे मी असं काही ठरवलेलं नाही. जे आपल्या बाहेरुन दिसतं आणि जे प्रत्यक्षात घरात घडत असतं त्यात थोडा फरक असतोच. काही गोष्टी डोक्यात आहेत. तयारी केली आहे. जाऊन कळेलच." असंही तो म्हणाला.
Web Summary : Sanket Pathak entered 'Bigg Boss Marathi 6' as a wild card contestant. He admits pre-planning is futile, as the game dictates its own course. He aims to avoid judgment and adapt to the house's dynamic.
Web Summary : संकेत पाठक ने 'बिग बॉस मराठी 6' में वाइल्ड कार्ड प्रतियोगी के रूप में प्रवेश किया। उन्होंने स्वीकार किया कि पूर्व-योजना व्यर्थ है, क्योंकि खेल अपनी गति निर्धारित करता है। उनका लक्ष्य निर्णय से बचना और घर की गतिशीलता के अनुकूल होना है।