माधुरी दीक्षितला सलमान खान-संजय दत्तसोबत 'साजन' सिनेमा न करण्याचा मिळाला होता सल्ला, अभिनेत्रीनं सांगितलं कारण

Madhuri Dixit : माधुरीचा सलमान खान आणि संजय दत्त यांचा 'साजन' चित्रपट सुपरडुपर हिट ठरला होता. मात्र तुम्हाला माहित्येय का, हा चित्रपट न करण्याचा सल्ला अभिनेत्रीला मिळाला होता.

बॉलिवूडची धकधक गर्ल म्हणजेच माधुरी दीक्षित(Madhuri Dixit)ने नव्वदच्या दशकात आपल्या अभिनय कौशल्य आणि सौंदर्याच्या जोरावर सिनेरसिकांच्या मनावर अधिराज्य गाजविले. तिच्या सौंदर्याचे आजही चाहते आहेत. तिने आपल्या कारकीर्दीत बरेच ब्लॉकबस्टर सिनेमे दिले आहेत. माधुरीचा सलमान खान (Salman Khan) आणि संजय दत्त (Sanjay Dutt) यांचा 'साजन' चित्रपट (Saajan Movie) सुपरडुपर हिट ठरला होता. मात्र तुम्हाला माहित्येय का, हा चित्रपट न करण्याचा सल्ला अभिनेत्रीला मिळाला होता.

१९९१ मध्ये रिलीज झालेला माधुरी दीक्षितचा संजय दत्त आणि सलमान खानसोबतचा साजन चित्रपट बॉक्स ऑफिसवर ब्लॉकबस्टर ठरला होता. पिंकविलाला दिलेल्या नुकत्याच दिलेल्या मुलाखतीत, अभिनेत्रीने खुलासा केला की तिला चित्रपट न करण्याचा सल्ला दिला होता. कारण संजय दत्तला अपंग व्यक्तीची भूमिका साकारताना पाहणे प्रेक्षकांना आवडणार नाही, असा अंदाज लावला होता. त्यामुळे सिनेमा बॉक्स ऑफिसवर फ्लॉप होण्याची भीती होती.

'साजन' सिनेमा न करण्याचा मिळाला होता सल्लामाधुरी दीक्षितने पुढे खुलासा केला की, चित्रपट करण्याच्या तिच्या निर्णयावर प्रश्नचिन्ह उपस्थित करणारे लोक होते. अभिनेत्री तिच्या सक्षम अभिनय कौशल्यासाठी ओळखली जाते, जेव्हा तिने संजय दत्त स्टारर रोमँटिक ड्रामा साइन केला तेव्हा तिने स्वतःला इंडस्ट्रीत स्थापित केले होते. माधुरी म्हणाली, "हा साजन आहे. किती सुंदर चित्रपट आहे. त्या चित्रपटात खूप छान गाणी आहेत आणि मला आठवते मी जेव्हा हा चित्रपट साईन केला होता, तेव्हा बरेच लोक म्हणाले होते, तू हा चित्रपट का करते आहेस? हा चित्रपट चालणार नाही. 

संजय दत्तच्या व्यक्तिरेखेवर केले होते प्रश्नचिन्ह उपस्थित माधुरीने सांगितले की, संजय दत्तच्या पात्रामुळे तिला चित्रपट न करण्याचा सल्ला दिला जात होता. माधुरीने खुलासा केला की, "लोक म्हणत होते की संजय दत्त हा ॲक्शन स्टार आहे आणि तो अपंग व्यक्तीसारखा कसा असू शकतो? ते चालणार नाही. पण एकदा चित्रपट बनला की तुम्हाला कळेल. नंतर सिनेमाने इतिहास घडवला."

१९९१ मध्ये सर्वाधिक कमाई करणारा चित्रपट होता 'साजन'या चित्रपटाबद्दल लोक साशंक असले तरी साजन प्रदर्शित झाल्यावर त्यांची शंका लगेच दूर झाली. या चित्रपटाने बॉक्स ऑफिसवर चांगली कमाई केली. प्रेक्षकांना ही कथा आवडली आणि त्यातील गाणी म्युझिक चार्टमध्ये अव्वल ठरली. १९९१ मधील सर्वाधिक कमाई करणारा चित्रपट म्हणून रेकॉर्ड केला होता. या रोमँटिक ड्रामाने सलमान, संजय आणि माधुरी यांच्या कारकिर्दीतील यशात महत्त्वपूर्ण योगदान दिले आणि आजही तो सर्वकाळातील सर्वात संस्मरणीय हिंदी चित्रपटांपैकी एक म्हणून लक्षात ठेवला जातो.