Guardians of the Galaxy Vol. 2: गॅलक्सीच्या रक्षणाकरिता सुपरहिरो टीम सज्ज
By ऑनलाइन लोकमत | Updated: February 13, 2017 15:40 IST
बहुप्रतीक्षित सुपरहीरो चित्रपट ‘गार्डियन्स आॅफ द गॅलक्सी २’च्या निर्मात्यांनी नवीन टीव्ही स्पॉट टीझर रिलीज केले आहे. ५ मे रोजी प्रदर्शित होणाऱ्या या सिनेमात क्रिस प्रॅट, डेव्ह बौटिस्टा, झोई सल्डाना, ब्रॅडली कूपर आणि विन डिझल अशी तगडी स्टार कास्ट आहे.
Guardians of the Galaxy Vol. 2: गॅलक्सीच्या रक्षणाकरिता सुपरहिरो टीम सज्ज
या वर्षीचा बहुप्रतीक्षित सुपरहीरो चित्रपट ‘गार्डियन्स आॅफ द गॅलक्सी २’च्या निर्मात्यांनी नवीन टीव्ही स्पॉट टीझर रिलीज केले आहे. ३० सेंकदाच्या या टीझरमध्ये आपले आवडते सुपरहिरो आकाशगंगेच्या बचावाकरिता शर्थीचे प्रयत्न करताना दिसतात. भयावह आणि आक्राळ-विक्रळ परग्रही राक्षसांपासून गॅलक्सीचे रक्षण करण्याची दुसऱ्यांदा त्यांना संधी मिळतेय.नुकतेच अशी बातमी आली होती, की काही निवडक प्रेक्षकांना हा चित्रपट दाखवण्यात आला असता त्यांनी ‘गार्डियन्स आॅफ द गॅलक्सी २’ला शंभर पैकी शंभर गुण दिले. टेस्ट स्क्रीनिंगमध्ये असे पैकीचे पैकी गुण मिळवणारा हा पहिलाच चित्रपट आहे. त्यामुळे निर्मात्यांचा विश्वास वाढला असून म्हणूनच त्यांनी प्रेक्षकांना आकर्षित करण्यासाठी हे टीव्ही स्पॉट टीझर रिलीज केले आहे.►ALSO READ: ‘गार्डियन्स आॅफ द गॅलक्सी व्हॉल्यूम २’चे ट्रेलर दाखलचित्रपट बॉक्स आॅफिसवर कशी कामगीरी करेल याचा अंदाज घेण्यासाठी काही सामान्य लोकांची निवड करून त्यांना चित्रपट दाखवण्यात येतो. याला टेस्ट स्क्रिनिंग म्हणतात. मग त्या लोकांना प्रश्न विचारून चित्रपटाबद्दल मत जाणून घेतले जाते.