कोरोना व्हायरसच्या वाढत्या प्रादुर्भावामुळे देशात लॉकडाउन जाहीर करण्यात आले होते. मात्र आता अनलॉक करण्यात आले असले तरी कामाशिवाय घराबाहेर पडू नये, असे सांगण्यात आले आहे. सामान्यांप्रमाणेच बॉलिवूडचे सेलिब्रेटीदेखील कामाशिवाय घराबाहेर पडत नाहीत. अशात सेलिब्रेटींचे बरेच किस्से, स्टोरी व थ्रोबॅक फोटो व व्हिडिओ सोशल मीडियावर पहायला मिळत आहेत. यादरम्यान दीपिका पादुकोणचा एक जुना व्हिडिओ सोशल मीडियावर व्हायरल होताना दिसत आहे. यात तिने रणबीर कपूरला एक सल्ला दिला होता जे ऐकून कुणाचाच विश्वास बसत नव्हता. हा सल्ला ऐकल्यानंतर नाराज होऊन रणबीर कपूरचे वडील ऋषी कपूरने दीपिकाला चांगलेच खडेबोल सुनावले होते.
दीपिका पादुकोण काही वर्षांपूर्वी करण जोहरच्या चॅट शोमध्ये गेली होती. त्यावेळी तिने पर्सनल लाइफ व रिलेशनशीपबद्दल सांगितले होते. त्यावेळी तिने रणबीर कपूरबद्दलही खुलासा केला होता.
ते म्हणाले होते की, अभिनेत्री सध्या आपल्या करियरवर लक्ष केंद्रीत केले पाहिजे. या शोमध्ये तिला वडीलांच्या प्रतिष्ठेमुळे बोलवण्यात आले होते कारण अद्याप तिने काहीच मिळवले नाही.