ट्विंकल खन्नाला तिच्याच पुस्तकाची विक्री करणारा हॉकर!
By ऑनलाइन लोकमत | Updated: December 22, 2016 20:52 IST
Hawker selling Twinkle Khanna's pirated books bumps into her ; ट्विंकल खन्ना कारमधून प्रवास करताना तिला एक हॉकर तिने लिहलेल्या पुस्तकांची विक्री करताना दिसला. विशेष म्हणजे हा हॉकर स्वत: ट्विंकल जवळ येऊन हे पुस्तक तिने खरेदी करावे यासाठी आला होता
ट्विंकल खन्नाला तिच्याच पुस्तकाची विक्री करणारा हॉकर!
बॉलिवूडचा खिलाडी अक्षय कुमार व बॉलिवूडचे पहिले सुपरस्टार अशी बिरुदावली मिळविणारे राजेश खन्ना यांची मुलगी ट्ंिवकल खन्ना सोशल मीडियावर चांगलीच अ‍ॅक्टिव्ह असते. सध्या तिने शेअर केलेला एका फोटो चांगलाच व्हायरल होत आहे. विशेष म्हणजे या फोटोमध्ये ट्विंकलने लिहलेले पुस्तक एक हॉकर तिलाच विकताना दिसतो आहे. अभिनेत्री ते लेखिका असा प्रवास करणारी ट्विंकल खन्ना हिचे ‘मिसेस फनीबोन्स’ हे पुस्तक चांगलेच गाजले होते. बेस्टसेलरच्या यादीत या पुस्तकाचा समावेश करण्यात आला होता. यानंतर नुकतेच ट्विंकलने आपले दुसरे पुस्तक ‘द लिजेंड आॅफ लक्ष्मी प्रसाद’ हे प्रसिद्ध करण्यात आले. या पुस्तकासाठी अ‍ॅडव्हॉन्स बुकिंग झाली होती. हे पुस्तकही बेस्टसेलर ठरले आहे. ट्विंकलच्या पुस्तकाचा चाहता वर्ग मोठा आहे. शिवाय सर्वच बुक स्टोर्समध्ये तिचे पुस्तक उपलब्ध नाही यामुळे अनेकांना या पुस्तकाची आॅनलाईन खरेदी करावी लागते. असे असताना मात्र एक हॉकर तिचे दोन्ही पुस्तके हातात घेऊन रोडकाठी उभा राहून विक्री करीत असल्याचे समोर आले आहे.