कॉमेडीचा बादशाह मेहमूद याचा मुलगा लकी अली आपल्या वडिलांप्रमाणे नाव कमावू शकला नाही. लकी अलीने अभिनय आणि संगीतकार म्हणून आपला हात आजमावला मात्र वडिलांप्रमाणे त्याला यश मिळवू शकला नाही.लकी अली सध्या ग्लॅमरपासून दूर शेतीत आपला अधिकाधिक वेळ घालवताना दिसतोय. अर्थात काही लाईव्ह कॉन्सर्टही तो करतोय.
मेघन जेन मकक्लियरी हिच्यासोबत लकीने पहिले लग्न केले. तिने लकीच्या ‘सुनो’ या अल्बममध्ये काम केले होते. मेघन व लकीला दोन मुले झालीत. पण नंतर या दोघांचा घटस्फोट झाला. यानंतर लकीने इनायासोबत लग्न केले. इनायापासूनही लकीला दोन मुले झालीत. पण तिच्यापासूनही लकी विभक्त झाला. यानंतर लकीच्या आयुष्यात आयशा आली. लकी आणि आयशाला एक मुलगा आहे ज्याचे नाव डॅनी मकसूद अली आहे.