बॉलिवूड स्टार्स इतकेच त्यांचे कुटुंबही चर्चेत राहते. असेच एक कुटुंब म्हणजे, संजय दत्तचे कुटुंब. तूर्तास संजयची मुलगी त्रिशाला दत्त चर्चेत आहे आणि याचे कारण आह, त्रिशालाचे लव्ह लाईफ. होय, त्रिशालाच्या आयुष्यात एका राजकुमाराची एन्ट्री झालीय. खुद्द त्रिशालाने सोशल मीडियावर याबाबत खुलासा केला आहे.त्रिशालाने तिच्या इन्स्टाग्राम अकाऊंटवर एक फोटो शेअर केला आहे. यात फोटोत ती इटालियन पास्ता खाताना दिसतेय. आता इटालियन पास्ता आणि स्वप्नातील राजकुमार यांचा काय संबंध आहे, असा प्रश्न तुम्हाला पडला असेल तर उत्तर अगदी साधे-सोपे आहे. होय, त्रिशालाचा स्वप्नातील राजकुमारही इटालियन आहे.
आपल्या फोटोला दिलेल्या कॅप्शनमध्ये त्रिशालाने याबाबतचे संकेत दिले आहे. ‘ एका इटालियनला डेट करणे म्हणजे, खूप सारा पास्ता आणि वाईन,’ असे तिने कॅप्शनमध्ये लिहिले आहे. या कॅप्शनचा अर्थ स्पष्ट आहे, तो म्हणजे संजयची लाडकी लेक एका इटालियन तरूणाला डेट करतेय. हा तरूण कोण हे अद्याप समजू शकलेले नाही. यशावकाश त्याचाही खुलासा होईल.