आता हे सरप्राईज म्हणजे ‘सो कॉल्ड’ गर्लफ्रेंड युलिया वेंटूरशी लग्न करत असल्याची घोषणा तर नसेल ना!? लगेच एवढा वाईल्ड गेस करू नका. येत्या २७ डिसेंबरला सलमान ५१ वा वाढदिवस साजरा करणार आहे. त्यादिवशीच कळेल की, हे सरप्राईज काय असेल. सलमान सध्या ‘बिग बॉस १०’ आणि कबीर खान दिग्दर्शित ‘ट्युबलाईट’ सिनेमाच्या शूटींगमध्ये व्यस्त आहे. यावरून जर अंदाज बांधायचा ठरवला तर ‘ट्युबलाईट’चे स्पेशल टीझर बर्थडेला रिलीज केले जाऊ शकते. ही शक्यता जरा जास्त योग्य वाटतेय, हो ना? कारण मागच्या काही दिवसांपासून सलमान ट्विटरवर चित्रपटाच्या सेटवरील अनेक फोटो शेअर करीत आहे.Get ready . Aa raha hai bada surprise ! #ComingSoon#BirthdaySurprise .— Salman Khan (@BeingSalmanKhan) 17 December 2016
एका फोटोमध्ये तो टिपिकल शिमला स्टाईल स्वेटरमध्ये असून छातीजवळ दोन्ही हातांनी पुस्तक धरून जाताना दिसतो. दुसºया एका फोटोत तो लहान मुलांसमोर अत्यंत आनंदाने नाचताना दिसतो. गाण्याच्या शूटींग दरम्यानचा हा फोटो असेल. त्यामुळे कदाचित २७ डिसेंबरला टीझर किंवा फर्स्ट लूक अथवा मोशन पोस्टर रिलीज केले जाऊ शकते.पुढील वर्षी ईदला प्रदर्शित होणाºया या चित्रपटात सलमानबरोबर चीनी अभिनेत्री झू झू झळकणार आहे. तसेच लहान भाऊ सोहेल खानचीसुद्धा यामध्ये भूमिका आहे. भारत-चीन युद्धाच्या पार्श्वभूमीवर सिनेमाची कथा बेतल्याचे सांगण्यात येतेय. कबीर खान-सलमान खान या दिग्दर्शक-अभिनेता द्वयीचा ‘ ‘एक था टायगर’ आणि ‘बजरंगी भाईजान’नंतर ट्युबलाईट’ हा तिसरा सिनेमा आहे.pic.twitter.com/a9QTgChIgV— Salman Khan (@BeingSalmanKhan) 14 December 2016