मराठीसह बॉलिवूड इंडस्ट्रीत आपली 'लय भारी' ओळख निर्माण करणारा लोकप्रिय अभिनेता म्हणून रितेश देशमुखला ओळखलं जातं. वडील कुशल राजकारणी आणि महाराष्ट्राचे माजी मुख्यमंत्री असूनही रितेशनं आपला वेगळा मार्ग निवडला आणि सिनेसृष्टीत पाऊल ठेवण्याचा निर्णय घेतला. रितेशचे दोन्ही भाऊ अमित देशमुख आणि धीरज देशमुख हे राजकारणात सक्रिय आहेत. आज धीरज देशमुख यांचा वाढदिवस आहे. आपल्या लाडक्या भावाला रितेशनं वाढदिवसाच्या खास शुभेच्छा दिल्यात.
रितेशचं आपल्या कुटुंबावर प्रचंड प्रेम आहे. आपला धाकटा भाऊ धीरज यांच्याबरोबरचा फोटो रितेशनं शेअर केलाय. फोटोसोबत रितेशनं लिहलं, "वाढदिवसाच्या खूप खूप शुभेच्छा धीरज. तू एक उत्कृष्ट मुलगा, वडील, नवरा, एक उत्तम मित्र आणि एक चांगला भाऊ आहे. आज आणि उद्या कायमच तुझ्याबरोबर सगळं चांगलं घडो, अशी मी प्रार्थना करतो. देव करो तू कायम निरोगी, आनंदी आणि यशस्वी राहावे". रितेशच्या या पोस्टवर चाहत्यांचा सेलिब्रेटींनी कमेंट करत शुभेच्छा दिल्यात.
रितेशने राजकारणात एन्ट्री घेतलेली नसली तर तो कायम आपल्या दोन्ही भावांना साथ देत आला आहे. गेल्या विधानसभा निवडणुकीच्या प्रचारासाठी रितेश आपल्या दोन्ही भावांसाठी रिंगणात उतरल्याचं पाहायला मिळालं होतं. रितेशच्या कामाबद्दल बोलायचं झालं तर तो सध्या 'बिग बॉस मराठी ६' या रिअॅलिटी शोचं सुत्रसंचालन करताना दिसतोय. तसेच तो नेहमीच सोशल मीडियावर सक्रिय असतो. सतत काही ना काही गमतीशीर पोस्ट शेअर करत असतो.
Web Summary : Riteish Deshmukh wished his brother Dheeraj a happy birthday with a touching post. He praised Dheeraj as a son, father, husband, friend, and brother, wishing him health, happiness, and success. Riteish actively supports his brothers' political careers and currently hosts 'Bigg Boss Marathi 6'.
Web Summary : रितेश देशमुख ने अपने भाई धीरज को जन्मदिन की हार्दिक शुभकामनाएं दीं। उन्होंने धीरज को एक आदर्श बेटा, पिता, पति, दोस्त और भाई बताया। रितेश ने उनके स्वस्थ, खुशहाल और सफल जीवन की कामना की। रितेश अपने भाइयों के राजनीतिक करियर में सक्रिय रूप से सहयोग करते हैं और वर्तमान में 'बिग बॉस मराठी 6' की मेजबानी कर रहे हैं।