"मी तुमच्या कथेचा सर्वात खरा भाग", सारा अर्जुनची वडिलांसाठी भावुक पोस्ट

आदित्य धर दिग्दर्शित आणि अभिनेता रणवीर सिंहचा 'धुरंधर: द रिव्हेंज' (Dhurandhar The Revenge) हा या वर्षातील सर्वाधिक चर्चेत असलेला चित्रपट मानला जात आहे. हा चित्रपट मागील वर्षी ५ डिसेंबर २०२५ रोजी प्रदर्शित झालेल्या 'धुरंधर' या सिनेमाचा दुसरा भाग आहे. पहिला भाग 'धुरंधर' बॉक्स ऑफिसवर प्रचंड यशस्वी ठरला होता. त्यानंतर दुसऱ्या भागालाही प्रेक्षकांनी प्रेम दिलं. 'धुरंधर' आणि 'धुरंधर: द रिव्हेंज' या दोन्ही चित्रपटांनंतर अभिनेत्री सारा अर्जुन लोकप्रियतेच्या शिखरावर पोहोचली आहे. सारानं आपल्या यशाचं संपूर्ण श्रेय वडील आणि प्रसिद्ध अभिनेते राज अर्जुन यांना दिले आहे. साराने सोशल मीडियावर एक भावुक पोस्ट शेअर केली आहे. साराने लिहिले, "मी तुम्हाला जितकं पाहिलं आहे, तितकं कदाचित मी स्वतःलाही पाहिलं नसेल. तुम्ही मला पडू दिलंत, पण प्रत्येकवेळी पडल्यानंतर पुन्हा कसं उभं राहायचं, हेही शिकवलंत. मी जे काही शिकले आहे बाबा, ते पुस्तकांमधून नाही, तर तुमच्या शांततेतून शिकले आहे. तुम्ही मला कधी मोठमोठे शब्द दिले नाहीत, पण जगण्याची पद्धत शिकवली".सारा पुढे लिहिते " तुम्ही म्हणता की मी तुम्हाला सांभाळलंय, पण खरं सांगायचं तर मी तर फक्त तुम्हीच शिकवलेल्या पावलांवर चालत होते. आज मी थोडंसं जरी काही करू शकत असेन, तर ते तुमच्या संयमाने लिहिलेला इतिहास आहे. तुम्ही म्हणता मी तुमची प्रकाशकिरण आहे, पण खरं म्हणजे, तो प्रकाश तुम्हीच दिलेला आहे. मी म्हणजे तुमच्यापासून सुरू झालेला एक प्रवास आहे. मी तुमची फक्त मुलगी नाही, तर तुमच्या कहाणीचा सर्वात खरा भाग आहे", असं सारानं म्हटलं.आपल्या लाडक्या लेकीच्या या पोस्टवर राज अर्जुन यांनीही तितक्याच सुंदर शब्दांत प्रतिसाद दिला. त्यांनी कमेंट करत लिहिले, "सारा, काही श्रद्धा अशाच जपल्या जातात, ज्या व्यक्त करण्याची गरज नसते. माझ्या मौनाला तू शांततेतही ओळखलंस, हेच माझ्या संघर्षाचं सार्थक आहे. तू केवळ माझी मुलगी नाहीस, तर तू माझ्या आत्म्याचा एक अविभाज्य भाग आहेस. आता या यशाच्या प्रवासात अशीच हसत राहा".

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

फिल्मी : मस्तानीसोबत पार्टी

फिल्मी : चक्क! ३ दिवस पाण्यात शूटिंग?

फिल्मी : 'रिस्किएस्ट सेलिब्रिटी'

फिल्मी : बॉलिवूडच्या पडद्यावरून मैदानाच्या ‘हिरों’ची शिकार

फिल्मी : बॅड बॉईजसोबत अफेअर चांगले -रिचा

फिल्मी : हृतिकचा जागतिक टास्क

फिल्मी : स्वप्न पूर्ण

फिल्मी : मस्तानीचा 'मस्त' अंदाज !

फिल्मी : कॅट माझ्या कामाची नाही - सल्लू

फिल्मी : 'हेट स्टोरी 3' चा ट्रेलर लाँच ...