"तुमचा चित्रपट बॉक्स ऑफिसवर..."; 'राजा शिवाजी' पाहून राम गोपाल वर्मांनी लिहिलेली पोस्ट चर्चेत

रितेश देशमुखची महत्त्वाकांक्षी ऐतिहासिक सिनेमा 'राजा शिवाजी' १ मे रोजी महाराष्ट्र दिनाचे औचित्य साधून चित्रपटगृहात प्रदर्शित झाला. या चित्रपटाने बॉक्स ऑफिसवर धडाकेबाज सुरुवात केली आहे. रितेश देशमुखने स्वतः या चित्रपटाचे दिग्दर्शन, सह-लेखन आणि मुख्य भूमिका साकारली असून, प्रेक्षक व समीक्षकांकडून या चित्रपटाला भरभरून प्रतिसाद मिळत आहे. अशातच प्रसिद्ध दिग्दर्शक राम गोपाल वर्मा यांनी 'राजा शिवाजी' पाहून लिहिलेली पोस्ट चर्चेत आहे.राम गोपाल वर्मा यांच्याकडून कौतुकाचा वर्षावप्रसिद्ध चित्रपट निर्माते-दिग्दर्शक राम गोपाल वर्मा यांनीही या चित्रपटाचे आणि रितेशच्या अभिनयाचे तोंडभरून कौतुक केले आहे. त्यांनी 'X' वर त्यांनी लिहिले की, "हे जेनेलिया, तुमचा चित्रपट 'राजा शिवाजी' बॉक्स ऑफिसवर धुमाकूळ घालत आहे, त्याबद्दल तुमचे अभिनंदन! रितेश दिग्दर्शक आणि अभिनेता अशा दोन्ही रूपांत चित्रपटगृहात धुमाकुळ गाजवत आहे. रितेशला पाहणं म्हणजे मोठ्या पडद्यावर शिवाजी महाराजांचा पुनर्जन्म झाल्यासारखं वाटतंय.'', अशी पोस्ट राम गोपाल वर्मांनी केली आहे. 'राजा शिवाजी' सिनेमाविषयी‘राजा शिवाजी’ या भव्य चित्रपटाविषयी सांगायचं तर, भारतीय चित्रपटसृष्टीतील अनेक नामांकित आणि अनुभवी कलाकारांचा सहभाग आहे. संजय दत्त , अभिषेक बच्चन, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते, जिनिलीया देशमुख आणि रितेश देशमुख यांसारख्या कलाकारांनी या ऐतिहासिक कथानकाला आपला भव्य कलात्मक आधार दिला आहे. 'राजा शिवाजी'ची कमाईसैकनिल्कच्या अहवालानुसार 'राजा शिवाजी' सिनेमाने पहिल्याच दिवशी तब्बल १२. ४० कोटींचा गल्ला जमवला आहे. पहिल्याच दिवशी तब्बल १२.४० कोटींची कमाई करत कोणत्याही मराठी सिनेमासाठी आतापर्यंतचा सर्वात मोठा ओपनिंग डे नोंदवला आहे. त्याचबरोबर, हा चित्रपट २०२६ मधील सर्व चित्रपटांमध्ये तिसरा सर्वाधिक ओपनिंग डे ठरला आहे. लहानांपासून मोठ्यांपर्यंत सर्वजण 'राजा शिवाजी' सिनेमा थिएटरमध्ये पाहायला जात आहेत.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

फिल्मी : अनिल म्हणतो, करीना ही आधुनिक धाडसी महिला

फिल्मी : VIDEO : पहा थरार, ‘जो जिता यहा है...रुस्तम वही!’ गाण्यातून

फिल्मी : आजोबाच्या भूमिका करण्यास अनिल कपूर तयार

फिल्मी : जखमी सोनाक्षीच्या जोरदार फाईट्स

फिल्मी : पाहाच Rustom Title Track : ‘रूस्तम वहीं...’

फिल्मी : कॅटरिनाला ‘जोर का धक्का’??

फिल्मी : आंधळ्यांच्या आयुष्यावर मंसुरी बनवणार चित्रपट

फिल्मी : गौरव चन्नाच्या शबाना आझमी जबरा फॅन

फिल्मी : ऋषी कपूर यांना मिळाले खास आमंत्रण

फिल्मी : आदित्य होस्ट करणार टीव्ही शो!!