नवाजुद्दीनने चक्क केली चड्डीची विक्री !!!

नवाजुद्दीन रस्त्यावर अंडरवेअर विकतोय समजताच चारमिनार परिसरात तुफान गर्दी झाली.

अभिनेता नवाजुद्दीन सिद्दीकी त्याच्या अचाट प्रतिभेबद्दल ओळखला जातो. गेल्या काही वर्षापासून सातत्याने अष्टपैलू भूमिका तो साकारत आलाय. गँग ऑफ वासेपूर, तलाश, बजरंगी भाईजान, किक, मांझी द माऊंटनमॅन यासारख्या चित्रपटातून विविध भूमिकातून झळकलेल्या नवाजुद्दीनचा नवा चित्रपट प्रदर्शनाच्या मार्गावर आहे. 'फ्रीके अली' असे नाव असलेल्या या चित्रपटात तो गोल्फ खेळाडूची भूमिका करतोय.

या चित्रपटाच्या प्रमोशनसाठी त्याने नवा फंडा वापरला. तो हैदराबादच्या चारमिनार परिसारात चक्क अंडरवेअर विकताना आढळून आला. त्याच्यासोबत सोहेल खानही होता. 'फ्रीके अली' चित्रपटात नवाजुद्दीन रस्त्यावर चड्डी विकणारा किरकोळ व्यापारी साकारतोय. नवाजुद्दीन रस्त्यावर अंडरवेअर विकतोय समजताच चारमिनार परिसरात तुफान गर्दी झाली. हा परिसर नेहमीच वर्दळीचा समजला जातो. याठिकाणी रस्त्यावरील व्यापाऱ्यांचीही गर्दी असते. अशा वर्दळीच्या जागी नवाजुद्दीनला पाहून सर्वांनाच आश्चर्य वाटले. चाहत्यांशी संवाद साधत त्याने गर्दीतून स्वतःची सुटका करुन घेतली.श्रीमंताचा समजण्यात येणाऱ्या गोल्फ खेळामध्ये एक गरीब तरुण कसे प्राविण्या मिळवतो हे 'फ्रीके अली' चित्रपटात पाहायला मिळणार आहे