सध्या सगळीकडे देशातल्या एका ग्रँड वेडिंगची चर्चा रंगली आहे. बिजनेसमॅन रामा राजू मंटेना यांची मुलगी नेत्रा मंटेना हिचा विवाहसोहळा चर्चेचा विषय बनला आहे. नेत्रा मंटेना ही अंत्र्योप्रेनोर असलेल्या वामसी गदिराजू यांच्याशी लग्न करत आहे. उदयपूरमध्ये त्यांच्या लग्नाचा ३ दिवसाचा शाही सोहळा पार पडत आहे. या ग्रँड वेडिंगसाठी अनेक सेलिब्रिटींनाही आमंत्रित करण्यात आलं आहे. नेत्रा आणि गदिराजू यांच्या मेहंदी सोहळ्याला माधुरी दीक्षितने डोला रे डोला गाण्यावर ठेका घेत चार चांद लावले.
नेत्रा आणि गदिराजू यांच्या मेहंदी सोहळ्यातील एक व्हिडीओ समोर आला आहे. या व्हिडीओत माधुरी देवदास सिनेमातील गाजलेल्या डोला रे डोला गाण्यावर डान्स करत आहे. माधुरीने हिरव्या रंगाचा लेहेंगा आणि गुलाबी रंगाची ओढणी असा पेहराव केला आहे. डोला रे डोला गाण्यावर माधुरीने पुन्हा एका तिच्या अदा दाखवत चाहत्यांना थक्क केलं आहे. तिचा डान्स पाहून चाहत्यांना ऐश्वर्या रायची आठवण आली आहे. देवदासमध्ये डोला रे डोला गाण्यावर माधुरी आणि ऐश्वर्या राय या दोघींनी डान्स केला होता.
नेत्रा आणि वामसी गदिराजू यांच्या लग्नाच्या विधींना २१ नोव्हेंबरपासून सुरुवात झाली आहे. २३ नोव्हेंबरला ते दोघं लग्नाच्या बेडीत अडकणार आहेत. या कपलचा संगीत नाइट सोहळा करण जोहर आणि सौफी चौधरी यांनी होस्ट केला होता. तर रणवीर सिंग, वरुण धवन, जान्हवी कपूर, क्रिती सेनन आणि शाहिद कपूर यांनी सोहळ्याला हजेरी लावत त्यांच्या डान्स परफॉर्मन्सने चाहत्यांची मनं जिंकली.
Web Summary : Madhuri Dixit mesmerized guests at Netra Mantena's Udaipur wedding with a dazzling performance on 'Dola Re Dola'. The grand celebration, attended by numerous celebrities, saw Madhuri in a green lehenga, recreating the iconic Devdas song and dance, leaving fans reminiscent of Aishwarya Rai.
Web Summary : माधुरी दीक्षित ने 'डोला रे डोला' पर शानदार प्रदर्शन के साथ नेत्रा मंटेना की उदयपुर शादी में मेहमानों को मंत्रमुग्ध कर दिया। कई हस्तियों की उपस्थिति में, माधुरी ने हरे रंग का लहंगा पहना था, देवदास के प्रतिष्ठित गीत और नृत्य को फिर से बनाया, जिससे प्रशंसकों को ऐश्वर्या राय की याद आ गई।