‘उफ्फ...संपूर्ण कुटुंबच टॅलेंटेड आहे. पाहा, दीड वर्षांची भाची समायरा ‘ओए फिरंगी’ गातेय,’ असे कपिल शर्माने हा व्हिडिओ शेअर करताना लिहिले आहे. आता कपिल म्हणतो त्यात किती तथ्य आहे, हे जाणून घ्यायचे तर हा व्हिडिओ तुम्हाला पाहायलाच हवा.
गत २७ आॅक्टोबरला ‘फिरंगी’चे हे गाणे रिलीज झाले होते. केवळ यु-ट्यूबवर आत्तापर्यंत चार लाखांवर लोकांनी ते पहिले आहे. सुनिधी चौहानने हे गाणे गायले आहे आणि जितेन्द्र शाह याने या गाण्याला संगीत दिले आहे. चित्रपटाचे ट्रेलरही इंटरनेटवर सुपरहिट झाले आहे.
ALSO READ: ‘त्या’ दिवशी कपिल शर्माने केला होता आत्महत्येचा विचार!
‘फिरंगी’ हा कपिलचा दुसरा चित्रपट आहे. याआधी २०१५ मध्ये कपिलचा ‘किस किस को प्यार करूं’ हा चित्रपट रिलीज झाला होता. आता कपिल ‘फिरंगी’ घेऊन येतो आहे. हा चित्रपट कपिलने स्वत: प्रोड्यूस केलेला आहे. सूत्रांच्या मते, यात प्रेमाचा एक कोणही आहे. कपिल शर्मा एका देशी मुलीच्या प्रेमात पडतो. पण ही मुलगी पुढे इंग्रजी भाषेच्या प्रेमात पडते. आपले प्रेम मिळवण्याच्या नादात कपिल इंग्रजी राजवटीविरोधात मैदानात उतरतो, असे या चित्रपटाचे कथानक असल्याचे कळतेय. या चित्रपटात दोन नायिका आहेत. एक तनुश्री दत्ताची बहीण इशिता दत्ता आणि दुसरी मोनिका गिल. दोघीही लीड भूमिकेत आहे. कपिलचा ‘जिगरी यार’ राजीव धिंगरा या चित्रपटाचे दिग्दर्शन करतो आहे. आत्तापर्यंत राजीवने ‘लव पंजाब’ आणि ‘अंग्रेज’ हे दोन हिट सिनेमे दिले आहेत.