बॉलिवूड अभिनेता हृतिक रोशनच्या चाहत्यांसाठी एक गुडन्यूज आहे. मीडिया रिपोर्टनुसार, हृतिक रोशनने साऊथच्या सुपरहिट चित्रपटाच्या हिंदी रिमेकला होकार दिला आहे आणि या सिनेमात हृतिक रोशन खलनायकाच्या भूमिकेत दिसणार आहे.
हृतिक 'वेधा'ची भूमिका साकारणार आहेपिंकविलाच्या रिपोर्टनुसार, हृतिक रोशनने साऊथच्या सुपरहिट फिल्म 'विक्रम वेधा'साठी होकर दिला आहे. रिपोर्ट्सनुसार, हृतिक रोशन या सिनेमात हिरोची नाही तर व्हिलनची भूमिका साकारणार आहे. मिळालेल्या माहितीनुसार, हृतिक 'वेधा' अर्थात चित्रपटातील गँगस्टर च्या भूमिकेत दिसणार आहे.
उन्हाळ्यात सुरू होणार शूटिंग'विक्रम वेधा' पुष्कर आणि गायत्री यांच्या जोडीने दिग्दर्शित केले होते. हृतिक रोशनने सिनेमात व्हिलेनच्या भूमिकेसाठीची तयारी सुरु केली आहे. ह्रतिकने सिनेमातील लूक्स आणि बॉडी लँग्वेजवर काम करायला सुरुवात केली आहे. यावर्षी उन्हाळ्यात सिनेमाच्या शूटिंगला सुरुवात होणार आहे.