Esha Gupta Dating Rumours with Hardik Pandya : बॉलिवूड अभिनेत्री ईशा गुप्ता (Esha Gupta) बऱ्याच काळानंतर प्रसिद्धीझोतात आली आहे. पण ती कोणत्याही प्रोजेक्टमुळे नाही तर तिच्या वैयक्तिक आयुष्यातील गोष्टींमुळे. अभिनेत्रीने अलीकडेच एका मुलाखतीत तिच्या सिनेप्रवासासोबतच तिच्या लव्ह लाइफबद्दलही खुलासा केला आहे.
अभिनेत्री ईशा गुप्ताचे नाव क्रिकेटपटू हार्दिक पांड्या(Hardik Pandya)शी जोडले गेले होते आणि आता ईशाने क्रिकेटपटूसोबतच्या डेटिंगच्या अफवांवर मौन सोडले आहे. २०१८ मध्ये अभिनेत्री ईशा गुप्ता क्रिकेटपटू हार्दिक पांड्याला डेट करत असल्याच्या चर्चा रंगल्या होत्या. मात्र कालांतराने दोघांनी आपले वेगळे मार्ग निवडले होते. तरीही त्यांच्या अफेयरची चर्चा अजूनही ऐकायला मिळते. दरम्यान आता सिद्धार्थ कन्ननने घेतलेल्या मुलाखतीत ईशाने अखेर हे दोघे कधी रिलेशनशीपमध्ये होते का, याचा खुलासा केला.
ईशा हार्दिकला फक्त दोनदाच भेटली ईशा गुप्ताने कबुल केले, ''हो, आम्ही काही काळापासून बोलत होतो. मला वाटत नाही की आम्ही डेट करत होतो. पण हो, आम्ही काही महिने बोलत होतो. मग आम्ही 'कदाचित ते होईल आणि ते होणार नाही' अशा विचारांच्या टप्प्यात होतो आणि ते डेटिंगच्या टप्प्यावर पोहोचण्यापूर्वीच संपले. म्हणजे ते डेटिंग डेटिंग नव्हते. आम्ही एक-दोनदा भेटलो. एवढेच. मी म्हटल्याप्रमाणे, ते काही महिने होते आणि नंतर ते संपले.'' ते कपल बनू शकले असते का, असे विचारले असता ईशा गुप्ताने उत्तर दिले की, ''कदाचित ते घडले असते. पण मला वाटत नाही की ते घडणे नशीबात होते. त्याआधीही, लाईव्ह टीव्हीवर काही गोष्टी बोलल्यानंतर त्या बिचाऱ्याला दुर्दैवाचा सामना करावा लागला होता आणि तोपर्यंत आम्ही बोलणे थांबवले होते.''
'कॉफी विथ करण'च्या एपिसोडचा झाला असा परिणामरुस्तम फेम अभिनेत्री ईशाने कॉफी विथ करणच्या एपिसोडबद्दलही भाष्य केले. ज्यामध्ये हार्दिक पांड्या क्रिकेटर केएल राहुलसोबत दिसला होता. तिने सांगितले की, तिला या वादाशी काहीही प्रॉब्लेम नाही. अभिनेत्री म्हणाली की, ''तोपर्यंत मी जाड कातडीची बनली होती. जेव्हा करण जोहरचा एपिसोड प्रसारित झाला तेव्हा त्याचा माझ्यावर अजिबात परिणाम झाला नाही आणि तो बिचारा आधीच खूप काही अनुभवत होता, जर मी तो मोठा मुद्दा बनवला असता तर काय उपयोग झाला असता?'' त्यांच्यातील गोष्टी कशा संपल्या असे विचारले असता, ईशा गुप्ता म्हणाली, ''तो एपिसोड आला तेव्हा ते नाते संपले होते. आम्हाला आता कळले की आम्ही पूर्वीसारखे नाही आहोत आणि पुढे चालू ठेवू शकत नाही.''
अभिनेत्रीने हार्दिकच्या विरोधात काहीही म्हटले नाहीईशा पुढे म्हणाली, 'लाइमलाइटपेक्षा मला कुटुंब आणि वास्तविक जीवन आवडते, अर्थातच मला माझे काम आवडते कारण कॅमेरा नसता तर ईशा गुप्ता नसती. पण दिवसाच्या शेवटी, मला घरी जाऊन माझ्या आईला काय चालले आहे हे विचारणे आवडते, तिच्याकडून फटकारले जाणे आवडते. मला हे सर्व आवडते. ईशाने स्पष्ट केले की तिचा असा अर्थ नव्हता की हार्दिक पांड्या वैयक्तिकरित्या असा आहे, परंतु ती सिनेइंडस्ट्रीतील एका सामान्य ट्रेंडचा संदर्भ देत होती. अभिनेत्री म्हणाली, 'मी म्हटल्याप्रमाणे, हार्दिक पांड्याविरोधात काहीही नाही, तो फक्त संभाषणाचा एक टप्पा होता. तुम्हाला माहिती आहे टप्पे कसे घडतात? आम्ही कधीच योग्यरित्या भेटण्याच्या टप्प्यावर पोहोचलो नाही. मला वाटत नाही की आम्ही एकत्र होतो. म्हणून गोष्टी कधीच पुढे गेल्या नाहीत. असे नाही की त्याच्यात किंवा माझ्यात काही कमतरता होती, आम्ही फक्त खूप वेगळे होतो आणि एक-दोन महिन्यांत, त्यालाही कळले की मी त्याची पसंती नाही आणि मला कळले की तो माझी पसंती नाही.
२०१८ मध्ये, अशी चर्चा सुरू झाली होती की ईशा गुप्ता आणि हार्दिक पांड्या एका पार्टीत भेटले आणि लगेचच त्यांची मैत्री झाली. मात्र, कॉफी विथ करण एपिसोड व्हायरल झाल्यानंतर, ईशाने हार्दिकने शोमध्ये केलेल्या महिलाद्वेषी टिप्पण्यांचा जाहीर निषेध केला होता.