बॉलिवूड अभिनेता ऋतिक रोशन गेल्या अनेक दिवसांपासून कोणत्याना कोणत्या कारणाला घेऊन चर्चेत आहे. लॉकडाऊनमध्ये ऋतिकची पत्नी ही त्याच्या घरी रहायला आली आहे. ऋतिकने सोशल मीडियावर मुलांसोबतचा फोटो शेअर केला आहे. या फोटोत ऋतिक दोन मुलांसोबत बाल्कनीमध्ये उभा आहे.
या फोटोत एका यूजरने ऋतिकच्या हातात सिगरेट बघितली आणि त्याला प्रश्न विचारला, ''ऋतिकच्या हातात सिगरेट आहे की मी काही चुकीचे बघतोय ?, मला आशा आहे की असे होणार नाही कारण यामुळे मला खूप वाईट वाटेल.'' यावर ऋतिकने त्याला लगेच उत्तर दिले आहे. ऋतिक म्हणतो, 'मी धूम्रपान न करणारा व्यक्ती आहे. जर मी क्रिश असतो तर सगळ्यात आधी या विषाणूचा खात्मा करुन या ग्रहावरील प्रत्येक सिगारेट नष्ट केली असती.''