Dharmendra Health Update: धर्मेंद्र यांच्या प्रकृतीत होतेय सुधारणा, हेमा मालिनी आणि ईशा देओलने दिली हेल्थ अपडेट; म्हणाल्या...

Dharmendra Health update: बॉलिवूडचे ज्येष्ठ अभिनेते धर्मेंद्र यांच्या निधनाच्या बातम्या येत होत्या. हे ऐकून त्यांचे चाहते खूप चिंतेत पडले होते. मात्र, आता त्यांची पत्नी हेमा मालिनी आणि मुलगी ईशा देओल हिने पोस्ट शेअर करून स्पष्ट केले आहे की, त्यांची तब्येत ठीक आहे आणि ते बरे होत आहेत.

बॉलिवूडचे ज्येष्ठ अभिनेते धर्मेंद्र यांच्या निधनाच्या बातम्या येत होत्या. हे ऐकून त्यांचे चाहते खूप चिंतेत पडले होते. मात्र, आता त्यांची पत्नी हेमा मालिनी आणि मुलगी ईशा देओल हिने पोस्ट शेअर करून स्पष्ट केले आहे की, त्यांची तब्येत ठीक आहे आणि ते बरे होत आहेत. त्यांच्या या पोस्टनंतर धर्मेंद्र यांच्या चाहत्यांनी सुटकेचा निश्वास सोडला आहे.

धर्मेंद्र यांच्या निधनाच्या बातम्या समोर येताच ईशा देओलने लगेचने पोस्ट करून ही माहिती चुकीचं असल्याचं सांगितलं. तिने सोशल मीडियावर पोस्ट शेअर करत लिहिले की, "माझ्या वडिलांची तब्येत स्थिर आहे आणि ते बरे होत आहेत. आम्ही सर्वांना विनंती करतो की, आमच्या कुटुंबाच्या प्रायव्हसीचा आदर करावा. बाबा लवकर बरे व्हावेत यासाठी केलेल्या प्रार्थनांबद्दल तुम्हा सर्वांचे धन्यवाद."

ईशाच्या पोस्टनंतर हेमा मालिनी यांनीदेखील सोशल मीडियावर पोस्ट शेअर करत धर्मेंद्र यांच्या निधनाच्या वृत्तांना फेटाळून लावलं.  एक्स अकाउंटवर पोस्ट करत लिहिले की, या गोष्टीसाठी क्षमा नाही! उपचार घेत असलेल्या आणि बरे होत असलेल्या व्यक्तीबद्दल जबाबदार वाहिन्या खोटी बातमी कशी पसरवू शकतात? हे अत्यंत अनादरयुक्त आणि गैरजबाबदार वर्तन आहे. कृपया कुटुंब आणि त्यांच्या प्रायव्हसीचा योग्य आदर करा.

धर्मेंद्र यांची तब्येत बिघडल्यामुळे त्यांना सोमवार, १० नोव्हेंबर रोजी मुंबईतील ब्रीच कँडी रुग्णालयात दाखल करण्यात आले. प्रत्येकजण ते लवकर बरे व्हावेत यासाठी प्रार्थना करत आहे.