दीपिका पादुकोण आणि रणवीर सिंग लग्नानंतर पहिल्यांदाच '83' सिनेमात स्क्रिन शेअर करणार आहेत. त्यामुळे हा सिनेमा दीपवीरच्या जोडीसाठी खास आहे. त्यांचे चाहते ही दीपवीरच्या जोडीला एकत्र पाहण्यासाठी आतुर असतील यात काहीच शंका नाही.
१९८३ मध्ये कपिल देव यांच्या नेतृत्वाखाली भारतीय क्रिकेट टीमने विश्वचषक जिंकला होता. सध्या या सिनेमाची टीम लंडनला शूटिंग करतेय. १९८३च्या क्रिकेट वर्ल्डकपवर आधारीत या चित्रपटात ताहिर राज भसीन सुनील गावस्करांच्या भूमिकेत, एमी ब्रिक बलविंदर संधूंच्या भूमिकेत, तमीळ अभिनेता जीवा कृष्णामचारी श्रीकांत यांच्या भूमिकेत, चिराग पाटील संदीप पाटील यांच्या भूमिकेत, आदिनाथ कोठारे, दिलीप वेंगसरकर यांच्या भूमिकेत, धैर्य करवा रवि शास्त्री यांच्या भूमिकेत आणि साहिल खट्टर सैयद यांच्या भूमिकेत पहायला मिळणार आहेत.
हा सिनेमा पाहण्यासाठी प्रेक्षकांना १० एप्रिल, २०२० पर्यंत वाट पाहावी लागणार आहे.