रणवीर सिंगने नुकतेच उमंग अवॉर्ड शोमध्ये टायगर प्रिंट ड्रेस घालून हजेरी लावत सगळ्यांचे लक्ष वेधले. सोशल मीडियावर त्याचे फोटो चांगलेच व्हायरल होतायेत. या सोहळ्यात रणवीरसोबत अजय देवगण आणि रोहित शेट्टीसुद्धा उपस्थित होता. यावेळी रणवीरने 'सिम्बा' सिनेमाला प्रेक्षकांनी दिलेल्या प्रेमासाठी त्यांचे आभार मानले तसेच दीपिका पादुकोण त्याला घरी काय नावाने आवाज देते याचा खुलासा केला.
रणवीर सिंग स्टारर ‘सिम्बा’ने ‘छप्परफाड’ कमाई केली आहे. ओपनिंग डेवर २०.७२ कोटीची कमाई करून समीक्षक व प्रेक्षक दोन्हींची मने जिंकणारा ‘सिम्बा’ने १०० कोटी क्लबमध्ये कधीच एन्ट्री मिळवली आणि बघता बघता २०० कोटींचा आकडाही पार केला. ‘सिम्बा’ने रणवीरच्याच ‘बाजीराव मस्तानी’चा रेकॉर्ड तोडला. होय, ‘सिम्बा’ नऊ दिवसांत ‘बाजीराव मस्तानी’हून अधिक कमाई करणारा चित्रपट ठरला. रणवीरच्या ‘बाजीराव मस्तानी’ या चित्रपटाने भारतात १८४ कोटींची कमाई केली होती. तर जगभरात ३५८ कोटींचा गल्ला जमवला होता.