सध्या सगळीकडे कान्स फिल्म फेस्टिव्हलचीच चर्चा रंगली आहे. या फेस्टिव्हलमधील सेलिब्रेटींचे लूक पाहणे कमालीचे ठरते आहे. या फेस्टिव्हलमध्ये बॉलिवूडच्या सेलिब्रेटींनी आपल्या लूकने सगळ्यांनाच भुरळ पाडली आहे. त्यात दीपिका पादुकोण खूपच ग्लॅमरस दिसत होती. आता तिने या फेस्टिव्हलमधील दुसऱ्या दिवशी चार वेगवेगळ्या लूकमध्ये दिसली. या लूकमध्ये ती ग्लॅमरस, क्लासिक आणि हॉट दिसत होती.
दीपिकाने सोशल मीडियावर लूक शेअर केला. त्यातील एका फोटोत तिने ब्लॅक आणि नियॉन रंगाचा ड्रेस परिधान केला होता. त्यात ती खूप स्टाइलिश दिसत होती.
दीपिकाने कान्समधील दुसरा लूक शेअर केल्यानंतर त्या फोटोंवर चाहत्यांनी कमेंटचा वर्षाव केला. तर तिचा नवरा अभिनेता रणवीर सिंगने तर तिचे कौतूक करीत किलिंग अशी कमेंट दिली आहे. दीपिकाने ब्लू अँड व्हाईट रंगाच्या पँट सूटसोबत पिवळ्या रंगाचे डँगलर्स कानात घातले आहेत काळ्या रंगाचा चश्मा आणि ऑरेंज रंगाचे शूज आऊटफिटवर खुलून दिसत आहेत.
कान्स फिल्म फेस्टिव्हल २०१९ साठी दीपिकाने पीटर डूंडासने डिझाईन केलेल्या अफव्हाइट रंगाच्या डीप नेक गाऊनची निवड केली. तिच्या या ड्रेसचे मुख्य आकर्षण होते, ते त्यावरचा ब्लॅक बो. या ग्लॅमरस ड्रेससोबत मोठे डायमंड इअरिंग्स. शिमरी ब्रेसलेट, पिंक लिप्स, सुंदर मेकअप आणि हाय पोनीटेल या सर्वांनी तिचा लुक चांगलाच उठून दिसत होता.