BIRTHDAY SPECIAL: ‘मोस्ट स्टायलिश स्टार’ सिद्धार्थ मल्होत्राकडून शिका स्टाईलमध्ये कसे राहायचे
By ऑनलाइन लोकमत | Updated: January 16, 2017 12:18 IST
सिद्धार्थ मल्होत्राला इंडस्ट्रीमध्ये येऊन बघता बघता पाच वर्षे होत आली आहेत. ‘स्टुडंट आॅफ द इयर’मधून त्याने चंदेरी दुनियेत पहिले ...
BIRTHDAY SPECIAL: ‘मोस्ट स्टायलिश स्टार’ सिद्धार्थ मल्होत्राकडून शिका स्टाईलमध्ये कसे राहायचे
सिद्धार्थ मल्होत्राला इंडस्ट्रीमध्ये येऊन बघता बघता पाच वर्षे होत आली आहेत. ‘स्टुडंट आॅफ द इयर’मधून त्याने चंदेरी दुनियेत पहिले पाऊल ठेवले आणि तेव्हापासून मागे वळून कधी पाहिलेच नाही. नव्या पीढीतील सर्वात स्टायलिश आणि टॅलेंटेड स्टार म्हणून त्याने ओळख कमावलेली आहे.आपल्या या लाडक्या सिद्धार्थचा वाढदिवस आहे. १६ जानेवारी १९८५ रोजी त्याचा जन्म झाला होता. म्हणजे आज तो ३२वा बर्थडे सेलिब्रेट करीत आहे. ‘हसी तो फंसी’, ‘एक व्हिलन’, ‘ब्रदर्स’, ‘कपूर अँड सन्स’ यासारख्या एकाहून एक चांगल्या चित्रपटातून त्याने आपले अभिनय कौशल्य सिद्ध केले आहे.कोणाच्या पाठिंब्याशिवाय दिल्लीहुन मुंबईत आल्यावर सिद्धार्थने स्वत:च्या हिंमतीवर आपले स्थान मजबुत केले. ‘डेल्ही बॉय’ ते ‘मुंबई सुपरस्टार’ होण्यापर्यंतचा त्याचा प्रवास नवअभिनेत्यांसाठी नक्कीच प्रेरणादायी आहे. सध्या आलिया भट्टशी असणाऱ्या अफेयरमुळे तो चर्चेत आहे. आजच्या बर्थ डे सेलिब्रेशनमध्ये आलिया सहभागी होणार का याबाबत कोणतीही अधिकृत माहिती नसली तरी जवळच्या मित्रमंडळीसोबत सिद्धार्थ जम के पार्टी करणार असल्याचे सांगण्यात येतेय.चित्रपट, अभिनय आणि आलियामुळे नेहमी चर्चेत राहणारा सिद्धार्थ त्यांच्या अल्टीमेट स्टाईलसाठीदेखील ओळखला जातो. कोणत्याही कार्यक्रमात गेल्यावर तो आपल्या चार्मिंग लूकमुळे आकर्षणाचा केंद्रबिंदू ठरतो. न्यूझीलंड पर्यटनाचा आॅफिशियल ब्रँड अॅम्बेसेडर बनल्यानंतर तो तेथे सुटीसाठी गेला होता. यावेळी त्याने घातलेले कपडे आणि एकंदर स्टाईलवरून प्रवासात फॅशनेबल कसे राहावे याचा वस्तूपाठच त्याने घालून दिला आहे.त्याच्या न्यूझीलंड टूरवरील बेस्ट १० स्टाईल्सची आम्ही तुम्हाला झलक दाखवत आहोत. ती पाहुन तुम्हीसुद्धा म्हणाल बार बार देखो!