अभिताभ बच्चन बनणार सुपरहिरो ‘अ‍ॅस्ट्रा’!
By ऑनलाइन लोकमत | Updated: November 30, 2016 16:07 IST
Amitabh Bachchan's animated superhero series Astra Force; ‘अ‍ॅस्ट्रा फोर्स’मध्ये अमिताभ बच्चन अ‍ॅनिमेटेड सुपरहिरो ‘अस्ट्रा’ यांच्या रुपात जग रक्षण करताना दिसणार आहेत. ‘अ‍ॅस्ट्रा’ला खुद्द अमिताभ बच्चन यांनी आवाज दिला आहे.
अभिताभ बच्चन बनणार सुपरहिरो ‘अ‍ॅस्ट्रा’!
बॉलिवूडचे महानायक अमिताभ बच्चन आता अ‍ॅनिमेटेड सुपरहिरोच्या रुपात दिसणार आहेत. डिज्ने इंडियानिर्मित ‘अ‍ॅस्ट्रा फोर्स’ या अ‍ॅनिमेशन मालिके त अमिताभ बच्चन सुपरहिरो साकारणार आहे. ‘अ‍ॅस्ट्रा फोर्स’मध्ये अमिताभ बच्चन अ‍ॅनिमेटेड सुपरहिरो ‘अस्ट्रा’ यांच्या रुपात जगाचे रक्षण करताना दिसणार आहेत. ‘अ‍ॅस्ट्रा’ला खुद्द अमिताभ बच्चन यांनी आवाज दिला आहे. बिग बी अमिताभ बच्चन यांनी बॉलिवूडमध्ये विविधांगी भूमिका साकारल्या आहेत. त्यांनी साकारलेला ‘अँग्री यंग मॅन’ बॉलिवूडमध्ये लिजेंड मानला जातो. ‘अजूबा’ या चित्रपटात अमिताभ बच्चन यांनी सुपरहिरो साकारला होता. याशिवाय बच्चेकंपनीला डोळ्यांपुढे ठेऊन साकारण्यात आलेल्या ‘भूतनाथ’ या चित्रपटातही त्यांनी महत्त्वाची भूमिका साकारली होती. आता बिग बी नव्या स्वरुपात प्रेक्षकांच्या समोर येत आहेत. ‘डिज्ने कॉमिक्स’ने अमिताभ यांच्या प्रतिमेला ध्यानात ठेऊन ‘अ‍ॅस्ट्रा’ या सुपरहिरोची निर्मिती केली आहे.