दिग्दर्शक एस. एस. राजमौली हे साऊथ इंडस्ट्रीतील एक बडे नाव आहे.‘बाहुबली’ सीरिजनंतर तर राजमौलींची ख्याती जगभर पसरली आहे. काही दिवसांपूर्वी त्यांनी आगामी सिनेमा आरआरआरची घोषणा केली आणि त्यांच्या फॅन्सना या सिनेमाची उत्सुकता लागली. या सिनेमात तेलगू सिनेमाचे दोन मोठे सुपरस्टार ज्युनिअर एनटीआर आणि राम चरण यात लीड रोलमध्ये आहे. विशेष म्हणजे या सिनेमातून बॉलिवूडची चुलबुली गर्ल आलिया भट साऊथमध्ये डेब्यू करतेय. यात अजय देवगण ही महत्त्वाच्या भूमिकेत दिसणार आहे.
राजमौली यांनी या चित्रपटासाठीच्या तयारीसाठी एनटीआर आणि राम चरण तेजा यांना अमेरिकेत पाठवले होते. रामचरण तेजा हा सुपरस्टार चिरंजीवी यांचा मुलगा आहे. तर एनटीआर ज्युनिअर साऊथचे महानायक एनटीआर यांचे चिरंजीव आहेत. आरआरआर सिनेमा भारतातल्या जवळपास दहा भाषांमध्ये रिलीज करण्यात येणार आहे. 30 जुलै 2020 आरआरआर रिलीज होणार आहे.