समस्त बॉलिवूड हादरले! पैशांची तंगी होती, हा अभिनेता बनला ड्रग स्मगलर; ४० कोटींच्या ड्रगसह पकडले तेव्हा बिंग फुटले...

Vishal Brahma Arrested: नायजेरियन टोळीने हॉलिडे पॅकेज दिले, येताना ड्रग्ज सोबत घेऊन येण्यास सांगितले. एवढी कसली वेळ आली होती...

चेन्नई: सिनेसृष्टीतील एका अभिनेत्याच्या ड्रग्ज तस्करी प्रकरणात सहभागामुळे खळबळ उडाली आहे. 'स्टुडंट ऑफ द इयर २' मध्ये दिसलेल्या विशाल ब्रह्मा याला चेन्नई विमानतळावर तब्बल ४० कोटी रुपये किमतीच्या ड्रग्जसह अटक करण्यात आली आहे. तो सिंगापूरहून परत येत असताना ही कारवाई करण्यात आली.

मिळालेल्या माहितीनुसार, विशाल ब्रह्माला एका नायजेरियन ड्रग्ज रॅकेट चालवणाऱ्या टोळीने जाळ्यात अडकवले होते. पैशाची तंगी असल्याने, त्याला कंबोडियामध्ये हॉलिडेचे आमिष दाखवण्यात आले होते. परत येताना त्याला ड्रग्जने भरलेली एक ट्रॉली बॅग घेऊन येण्यास सांगण्यात आले होते. विमानतळावर कस्टम अधिकाऱ्यांनी त्याच्या सामानाची तपासणी केली असता, त्यात हे ड्रग्ज सापडले. सध्या अधिकारी या नायजेरियन टोळीचा शोध घेत आहेत आणि या प्रकरणाचा अधिक तपास करत आहेत. 

विशालचा बॉलिवूडमधील प्रवेश हा 'स्टुडंट ऑफ द ईयर २' मधील छोट्या भूमिकेने झाला होता, ज्यात टायगर श्रॉफ, अनन्या पांडे आणि तारा सुतारिया मुख्य भूमिकेत होते. त्याने सांगितले की, पूर्ण महिना सेटवर स्वतःच्या खर्चाने राहिला आणि दोन महिने कोणताही प्रतिसाद मिळाला नाही. या विवादात तो अभिनेता आणि निर्माता अरबाज खान यांच्यावरही संशय व्यक्त करत होता. मात्र, नंतर विशालने आपल्या अधिकृत इन्स्टाग्रामवर पोस्ट करून स्पष्टीकरण दिले की, अरबाजवर कोणताही आरोप नाही. हा चित्रपट असममधील संस्कृतीवर आधारित असून, विशालचा त्यात महत्त्वाचा रोल होता.