इराणचे भारताला गुंतवणुकीचे आवाहन

आमच्यावरील आर्थिक निर्बंध उठल्यानंतरच्या परिस्थितीचा लाभ घेण्यासाठी भारताने पायाभूत सुविधांमध्ये ८ अब्ज अमेरिकन डॉलरची गुंतवणूक

नवी दिल्ली : आमच्यावरील आर्थिक निर्बंध उठल्यानंतरच्या परिस्थितीचा लाभ घेण्यासाठी भारताने पायाभूत सुविधांमध्ये ८ अब्ज अमेरिकन डॉलरची गुंतवणूक इराणमध्ये करावी, असे आवाहन इराणने केले आहे. इराणचे भारतातील राजदूत गुलामरेझा अन्सारी यांनी येथे सांगितले की, भारताने आता स्वस्तातल्या वाटाघाटींमध्ये वेळ वाया न घालवता पाश्चिमात्य राष्ट्रांनी गुंतवणूक सुरू करायच्या आधी त्या संधीचा लाभ घ्यावा. इराणने अणुकरार केल्यानंतर पाश्चिमात्य राष्ट्रांनी त्याच्यावरील निर्बंध हटविले आहेत. येत्या ३ ते ५ महिन्यांत ते संपून जातील. इराण हा भारताचा विश्वासू भागीदार असल्याचे अन्सारी यांनी ठासून सांगितले. निर्बंधांच्या कठीण दिवसांतही इराणसोबत भारत होता. आता त्या नात्याचा भारताने लाभ उठवायला हवा, असे ते म्हणाले.