कोकणाला जोडणारा सुरक्षित मार्ग धोक्यात

क�

��ल्हापूर-गगनबावडा रस्ता
भाग -४
* निधीच उपलब्ध होत नाही ही संबंधित विभागाची तक्रार
* ... तर नैसर्गिक परिस्थितीमुळे रस्त्यांची दुरवस्था
* सन २०१४-१५ मध्ये १५ कोटी रस्त्यांच्या कामासाठी मंजूर
* जानेवारीनंतर कामाला वेग लागणार
कोपार्डे / प्रकाश पाटील : कोल्हापूर-गगनबावडा रस्ता हा कोकणाला जोडणारा सर्वांत सुरक्षित मार्ग म्हणून ओळखला जातो. कोल्हापूर जिल्‘ातील गगनबावडा व पन्हाळा हे पर्यटकांना आकर्षित करणारी ठिकाण आहेत. येथूनच तळकोकणातील अनेक तीर्थस्थळे व गोवा, सिंधुदुर्ग, विजयदुर्ग येथे सहज जाता येण्यासारखी परिस्थिती असल्याने या मार्गाला अनन्यसाधारण महत्त्व आहे. जर या रस्त्याचा विकास झाला, तर या मार्गावरील सर्वच गावांना याचा फायदा होऊ शकतो.
पाच किलोमीटर मार्गाची दुरवस्था केवळ शासनाच्या दुर्लक्षामुळे झाल्याचे चित्र असून, याला योग्यवेळी निधी व तोही मुबलक प्रमाणात उपलब्ध होत नसल्याचे चित्र आहे. यामुळे या रस्त्याची निगा व डागडुजी राखता येत नाही. पावसाळ्यात या मार्गावर प्रचंड पाऊस असतो. परिणामी रस्ता लवकर खराब होतो, असे सांगण्यात आले. या रस्त्यावर बहुतांश ठिकाणी जमिनीचा भाग हा काळवट मातीचा असल्याने चिकटपणाचा अभाव असल्यानेच रस्त्याची दुर्दशा होते.
सध्या या महामार्गावर ८० टक्के खड्डे पडल्याने लेव्हलिंग कोर्सचे काम चालू आहे. पॅचवर्कचे काम त्यानंतर व नंतर रस्त्याचे डांबरीकरण व मजबुतीकरणाला सुरुवात होणार आहे. वर्ष २०१३-१४ मध्ये या रस्त्यावर ७५ लाख रुपये खर्च झाले आहेत. वर्ष २०१४-१५ साठी १५ कोटी मंजूर असून, शिंगणापूर फाटा ते भामटे (ता. करवीर) येथेपर्यंत रस्त्यासाठी दहा कोटी, तर साळवण ते गगनबावडा या रस्त्यासाठी पाच कोटी मिळणार असल्याची माहिती विशेष प्रकल्पाधिकारी सार्वजनिक बांधकाम विभागाकडून देण्यात आली आहे.
हा मार्ग व्यापार, पर्यटन व उद्योग यासाठी महत्त्वपूर्ण असून, या रस्त्याने गोवा राज्य तळकोकणात जाण्यासाठी करुळ घाट, भुईबावडा घाट, अणुस्कुरा घाट जोडला आहे. कोल्हापूर जिल्‘ाच्या पश्चिम भागाचा विकास याच मार्गामुळे होऊ शकतो, असे जाणकारांनी मत व्यक्त केले. गगनबावडा, पन्हाळा, शाहूवाडी, राधानगरी या चार तालुक्यांत उद्योग अथवा पर्यटन विकास करावयाचा असेल, तर हाच मार्ग महत्त्वाचा असून, याकडे लोकप्रतिनिधींनी लक्ष दिल्यास या मार्गाचा प्रश्न सुटू शकेल व हा मार्ग किमान चौपदरी व्हावा, अशी मागणी होत आहे.
-------------
चौकट :
आमदार चंद्रदीप नरके
कोल्हापूर-गगनबावडा रस्त्याकडे यावेळेला प्रथम प्राधान्य देणार आहे. लोकसभेपूर्वीच या मार्गावरील शिंगणापूर फाटा ते भामटे असा १२ कि.मी.च्या रस्त्यासाठी सीआरएफमधून दहा कोटी मंजूर झाले आहेत. विशेष दुरुस्तीमध्ये १३ ते १४ साठी ६६ लाख आणि ३० लाख असे दोन निधी मंजूर आहेत. १३व्या वित्त आयोगामधून सांगशी ते सैतवडे फाट्यासाठी दोन कोटी २४ लाख निधी मंजूर झाला. पूरहमीतून आणखी सात कोटी मिळणार आहेत. स्टेट बजेटमधून ही आपण या मार्गासाठी स्वतंत्र निधी उपबल्ध करून द्यावा म्हणून मुख्यमंत्र्यांकडे मागणी केली आहे.
----------
एस. व्ही. सांगावकर (उपअभियंता, विशेष प्रकल्प)
सध्या २०१४-१५ मध्ये कोल्हापूर गगबावडा मार्गासाठी १५ कोटींचा निधी मंजूर झाला. लवकरच ही कामे सुरू होतील. सध्या या मार्गावर लेव्हिंग कोर्स सुरू असून, शिंगणापूर ते भामटेसाठी रस्ता डांबरीकरण व मजबुतीकरणाचे काम चालू करणार आहे. सीआरएफ मधूनही चांगला निधी मिळण्याची आशा आहे. योग्य प्रमाणात निधी मिळाल्यास रस्त्याचे काम चांगले करता येईल.